দিল্লীৰ ভূমিকম্পত ‘অঘৰী’ হৈ পৰিল আদিল হুছেইন, কি অভিজ্ঢ়তা লাভ কৰিলে অসম সন্তানগৰাকীয়ে?

ডিজিটেল ডেস্কঃ বুধবাৰে দিল্লীত হোৱা ভূমিকম্পত এক সুকীয়া অভিজ্ঢ়তা লাভ কৰিলে আদিল হুছেইনে৷ নিজৰ অভিনয় দক্ষতাৰে বলিউডত থিতাপি ল’বলৈ সক্ষম হোৱা আদিলে সাধাৰণতে দিল্লীত বাস কৰি ভাল পায়৷

বুধবাৰে নেপালত হোৱা ৬.৬ তীব্ৰতাৰ ভূমিকম্পটোৱে দিল্লীবাসীকো চুই যায়৷ পুৱা বেলা হোৱা ভূমিকম্পটোৰ পৰা বাচিবলৈ আদিলে ঘৰৰ পৰা বাহিৰ হৈছিল৷ কিন্তু তেতিয়াই তেওঁ আহুকালৰ সন্মুখীন হয়৷

ল’ৰা-ল’ৰিকৈ ঘৰৰ পৰা উলোৱাৰ বাবে আদিলে লগত কোনো টকা বা ক্ৰেডিট-ডেবিট কাৰ্ড নিবলৈ পাহৰি গৈছিল৷ আনকি ঘৰৰ ছাবিটোও লগত নিবলৈ পাহৰিছিল৷

ফলত কাহিলী পুৱাতে দীশহাৰা হৈ পৰে আদিল৷ বাসস্থান বন্ধ, লগত টকা নাই, কোনে সহায় কৰিব ৰাতিপুৱাই! কিন্তু ভাগ্যক্ৰমে এগৰাকী বন্ধুৱে আদিলৰ ফোন ধৰে আৰু আদিলক তেওঁ নিজৰ ঘৰলৈ মাতি নি আশ্ৰয় দিয়ে৷ ৰাতিটো বনধুজনৰ ঘৰতে শান্তিৰে টোপনি যায় আদিল৷

পাছত ঘটনাটোৰ বিষয়ে টুইটযোগে আদিলে জনায়৷ বিপদৰ সময়ত বন্ধুজনক দেৱদূতৰ দৰেই অনুভৱ হৈছিল বুলি তেওঁ জনাইছে৷

উল্লেখ্য যে সম্প্ৰতি বলিউডত ব্যস্ত থকা আদিলে কেইবাখনো জনপ্ৰিয় ছৱিত অভিনয় কৰি আহিছে৷ শেহতীয়াকৈ তেওঁ জিফাইভৰ ‘মুখবীৰ’ নামৰ এখন ৱেবচিৰিজত অভিনয় কৰিব৷