ডিজিটেল ডেস্কঃ ভাৰতৰ অৰ্থনীতি ক্ৰম বিকাশমান হৈ থকা বুলি চলি থকা আলোচনাৰ মাজতে দিল্লীত আহি উপস্থিত হৈছে মাৰ্কিন কোষাগাৰ সচিব জেনেট য়েলেন। দিল্লীত উপস্থিত হোৱাৰ পিছতে মাৰ্কিন কোষাগাৰ সচিবগৰাকীয়ে ভাৰতৰ বিত্তমন্ত্ৰী নিৰ্মলা সীতাৰমণৰ সৈতে দীঘলীয়া বৈঠকত মিলিত হয়।ভাৰত-আমেৰিকা যুক্তৰাষ্ট্ৰৰ অৰ্থনৈতিক বিত্তীয় অংশীদাৰিত্বৰ ৯ম সংখ্যক বৈঠকৰ পূৰ্বে কেন্দ্ৰীয় বিত্ত মন্ত্ৰী নিৰ্মলা সীতাৰমণ আৰু আমেৰিকা যুক্তৰাষ্ট্ৰৰ কোষাগাৰ সচিব জেনেট য়েলেনে আজি নতুন দিল্লীত এক আলোচনাত মিলিত হয়।
ইয়েলেন দিনজোৰা ভাৰত ভ্ৰমণৰ কাৰ্যসূচীলৈ নতুন দিল্লীত উপস্থিত হৈছে। বিত্ত মন্ত্ৰালয়ে এক টুইটযোগে কয়, "কেন্দ্ৰীয় বিত্ত মন্ত্ৰী এন সীতাৰমণ আৰু আমেৰিকা যুক্তৰাষ্ট্ৰৰ কোষাগাৰ সচিব ড০ জেনেট য়েলেনে আজি নতুন দিল্লীত ভাৰত-আমেৰিকা যুক্তৰাষ্ট্ৰৰ অৰ্থনৈতিক বিত্তীয় অংশীদাৰীত্ব ইএফপিৰ ৯ ম সংখ্যক বৈঠকৰ পূৰ্বে বৈঠকত মিলিত হয়।"
মন্ত্ৰালয়ে কয় যে ৯ ম ভাৰত-আমেৰিকা যুক্তৰাষ্ট্ৰৰ ইএফপি বৈঠকত দুয়োপক্ষই জলবায়ু, বিত্ত, বহুপাক্ষিক বিষয়, জি-২০ত ভাৰত-আমেৰিকা যুক্তৰাষ্ট্ৰৰ সহযোগিতাকে ধৰি পাৰস্পৰিক স্বাৰ্থৰ বিষয়সমূহ আলোচনা কৰিব। ভাৰতৰ অংশীদাৰিত্ব, কৰ, যোগান শৃংখলাৰ স্থিতিস্থাপকতা, গোলকীয় অৰ্থনীতি আৰু সামগ্ৰীক অৰ্থনৈতিক দৃষ্টিভংগীৰ বিষয়েও এই বৈঠকত আলোচনা হ’ব। মন্ত্ৰালয়ে কয়, "৯ম ভাৰত-আমেৰিকা যুক্তৰাষ্ট্ৰৰ ইএফপি বৈঠকৰ সময়ত নিৰ্মলা সীতাৰমণ আৰু ড০ জেনেট য়েলেনেও শীৰ্ষ ব্যৱসায়িক নেতা আৰু বিশিষ্ট অৰ্থনীতিবিদসকলৰ সৈতে ভাৰত-আমেৰিকা যুক্তৰাষ্ট্ৰৰ ব্যৱসায় আৰু অৰ্থনৈতিক সুযোগ সম্পৰ্কীয় এক বাৰ্তালাপত অংশগ্ৰহণ কৰিব।" ই
য়েলেনে এক টুইটযোগে কয় যে ভাৰতৰ সৈতে আমেৰিকা যুক্তৰাষ্ট্ৰৰ সম্পৰ্ক শক্তিশালী কৰা,গুৰুত্বপূৰ্ণ অৰ্থনৈতিক সম্পৰ্ক আৰু অংশীদাৰী মূল্যবোধৰ জৰিয়তে গভীৰ সম্পৰ্ক স্থাপন কৰাত আমেৰিকাই গুৰুত্ব দিছে। "আমেৰিকা-ভাৰত অৰ্থনৈতিক সম্পৰ্কৰ এক আধাৰশিলা হৈছে আমাৰ কোম্পানীবোৰে উভয় দেশতে কৰা বিনিয়োগ। আজি মাইক্ৰছফ্ট ইণ্ডিয়া ডেভেলপমেণ্ট চেণ্টাৰত তেওঁলোক দুয়োৱে কথা পাতে।এই বৈঠকে ভাৰত-মাৰ্কিন সম্পৰ্ক গভীৰ কৰিব বুলিও ইয়েলেনে আন এটা টুইটত কয়।
Continue Reading
