ডিজিটেল ডেস্কঃ অসমীয়া মানুহে মাছ খাই খুব ভালপায়। মাছ ভাজি, জোল কৰি, ভাপত দি অথবা পুৰি বিভিন্ন ব্যঞ্জনেৰে মাছ তৃপ্তিৰে খায় অসমৰ লোকে। কিন্তু মাছৰ সোৱাদ লৈ থাকোতে যদি হঠাতে ডিঙিত মাছৰ কাঁইট লাগি ধৰে তেন্তে মানুহৰ অৱস্থা কাহিল হয়। হঠাতে মাছৰ কাঁইট ডিঙিত লাগি ধৰিলে কি কৰিব লাগে,সেয়া জানি থোৱাটো ভাল। জানো আহক ডিঙিত লাগি ধৰা মাছৰ কাঁইট আঁতৰোৱাৰ সহজ উপায়।
১) মাছৰ কাঁইট আঁতৰ কৰাৰ আটাইতকৈ সহজ উপায়টো হৈছে, শুকান ভাত অলপ লাড়ু কৰি লৈ গিলি দিব লাগে। ইয়াৰ পিছত অলপ পানী খাব লাগে। এনে কৰিলে মাছৰ কাঁইট গুচি যায়।
২) ভাত নাথাকিলে ৰুটি নোচোবোৱাকৈয়ে গিলি দিলেও সুফল পোৱা যায়।
৩) মাছৰ কাঁইট লাগি ধৰিলে এটা কল যদি সম্পূৰ্ণ খাই দিয়ে মাছৰ কাঁইট আঁতৰি যাব।
৪) নেমুত পাতলকৈ নিমখ মিহলি কৰি চুহি থাকিলেও কাঁইট আঁতৰি যায়।
৫) ব্ৰেড গাখীৰত তিয়াই খালেও ভাল কাম কৰে।
৬) নিমখে কাঁইটক কোমল কৰে। গতিকে প্ৰথমে অলপ পানী গৰম কৰক আৰু পানীত নিমখ দিয়ক। এই গৰম নিমখীয়া পানী খালে ডিঙিত লাগি থকা মাছৰ কাঁইটবোৰ সহজে আঁতৰ হ’ব।
৭) পানীৰ সৈতে ভিনেগাৰ মিহলি কৰক। ভিনেগাৰৰ ডিঙিত বিন্ধা মাছৰ কাঁইট কোমল কৰাৰ ক্ষমতা আছে।গতিকে পানীৰ সৈতে ভিনেগাৰ মিহলি কৰিলে কাঁইট সহজে ডিঙিৰ পৰা আঁতৰ হয়।
Continue Reading
