ডিজিটেল ডেস্কঃ এটা কুকুৰৰ চাৰিওফালে আগুৰি থাকে সুন্দৰী গাভৰুৱে। দিপলীপ গাভৰুৰ মাজত ৰজাৰ দৰে বহি থাকে কুকুৰটো। এনে এখন ছবি দেখি আচৰিত নহ’বনে? কেৱল সেয়াই নহয়। বিলাসী ৰাজপ্ৰসাদৰ পৰা কৌটি কৌটি টকা- কি নাই কুকুৰটোৰ? কুকুৰটোৰ সম্পত্তিৰ পৰিমাণ শুনি বহুতে স্তম্ভিত হ’ব। আৰু সেইবাবেই পৃথিৱীৰ আটাইতকৈ ধনী কুকুৰৰ উপাধি লাভ কৰিছে সি।
বিশ্বৰ আটাইতকৈ ধনী জাৰ্মান শ্বেপাৰ্ড প্ৰজাতিৰ এই কুকুৰটোৰ নাম আই ভি গুণ্টাৰ। কুকুৰটোৱে বৰ্তমান বাস কৰা ঘৰটো এসময়ত পপ চেন্সেশন মেডোনাৰ সম্পত্তি আছিল। কিন্তু কেৱল এইটো ঘৰেই নহয়, গুণ্টাৰৰ বিভিন্ন দেশত কেইবাটাও ঘৰ আছে। ৰজাৰ দৰে থাকে গুণ্টাৰ।
সপ্তাহৰ শেষত ভ্ৰমণৰ বাবেও যায় গুণ্টাৰ। কিন্তু ৰাজহুৱা পৰিবহণ একেবাৰেই পছন্দ নকৰে সি। সেয়ে ব্যক্তিগত বিলাসী গাড়ীতে চলা ফিৰা কৰে কুকুৰটোৱে। আকৌ কেৱল গাড়ী হ’লেই নহ’ব, লিমুজিন কাৰ হ’ব লাগিব! যাতে সি হাত-ভৰি মেলি বহিব পাৰে, আৰু ইচ্ছা কৰিলে এই মূৰৰ পৰা মূৰলৈকে দৌৰিব পাৰে।
ফুৰিবলৈ গ’লে পাঁচ তাৰকাযুক্ত হোটেলত থাকে গুণ্টাৰে। স্পাৰ সুবিধাও লয়। গুণ্টাৰৰ এই লাহ-বিলাহৰ বাবেই নিয়োগ কৰা হৈছে কেইবাজনো পৰিচৰ্যাকাৰী।
কিন্তু কেনেকৈ ইমান সম্পত্তি লাভ কৰিলে এই কুকুৰটোৱে? বহুখিনি সম্পত্তি উত্তৰাধিকাৰী সূত্ৰে লাভ কৰিছিল গুণ্টাৰে। কুকুৰটোৰ পিতৃ তৃতীয় গুণ্টাৰ আছিল কাৰ্লোটা লিবেনষ্টেইন নামৰ এগৰাকী ধনী জাৰ্মান মহিলাৰ প্ৰিয় পোহনীয়া কুকুৰ। তৃতীয় গুণ্টাৰ তথা গুণ্টাৰৰ পিতৃয়ে উত্তৰাধিকাৰ হিচাপে লাভ কৰিছিল ৮ কোটি মাৰ্কিন ডলাৰ। দেউতাকৰ মৃত্যুৰ পিছত এই ধনখিনি তেওঁৰ পুত্ৰ চতুৰ্থ গন্থাৰৰ হাতলৈ যায়।
বিভিন্ন কোম্পানীত বিনিয়োগ কৰাৰ পিছত সেই ধন এই মুহূৰ্তত ৪ কোটি মাৰ্কিন ডলাৰলৈ বৃদ্ধি পাইছে। ভাৰতীয় মুদ্ৰাত সেইটো প্ৰায় ৩ হাজাৰ কোটি টকা। আৰু তেনেকৈয়েই বিশ্বৰ আটাইতকৈ ধনী কুকুৰ হিচাপে পৰিগণিত হৈছে গুণ্টাৰ।
Continue Reading
