ডিজিটেল ডেস্কঃ এটা কলকলৈ লাগিল পয়মাল৷ কথাতে আছে ভোকে একো চিনি নাপায়৷ ভোকাতুৰ লোক এজনৰ সন্মুখত খাদ্য পৰিলে সেই খাদ্য গোগ্ৰাসে গিলিবলৈ মন কৰে ভোকাতুৰ জনে৷ তেনে এক ঘটনাই ঘটিছে দক্ষিণ কোৰিয়াৰ ৰাজধানী চিউলৰ এটা সংগ্ৰহালয়ত৷ সংগ্ৰহালয়টোলৈ দৰ্শক হিচাবে যোৱা এজন যুৱকে সংগ্ৰহালয়ত ৰখা এটা ৯৮ লাখ টকা মূল্যৰ কলেই খাই পেলালে৷
যুৱক জনে ঘৰত একো নোখোৱাকৈ সংগ্ৰহালয়টো দৰ্শন কৰিবলৈ আহিছিল। ভোকে তেওঁক বৰকৈ আমনি কৰিবলৈ আৰম্ভ কৰিছিল৷ তেনে সময়তে তেওঁ সংগ্ৰহালয়ৰ দেৱালত আঁৰি ৰখা অতি মূল্যৱা কলটো খাই পেলাইছিল। আচৰিত কথাটো হ'ল যে সেই কলটোৰ মূল্য আছিল ৯৮ লাখ টকা! দক্ষিণ কোৰিয়াৰ ৰাজধানী চিউলৰ লিউম মিউজিয়াম অৱ আৰ্টত ইটালীৰ শিল্পী মাউৰিজিঅ কেটেলনৰ এটা শিল্পকৰ্ম আছে।
অতি মূল্যৱান সেই শিল্পকৰ্মত টেপৰ সহায়ত বেৰত কল এটা লগাই থোৱা হৈছিল। নোহ হুইন চু নামৰ এজন ছাত্ৰই সংগ্ৰহলায়টো চাবলৈ আহিছিল । তেওঁ দেৱালত কল এটা লগাই থোৱা দেখিছিল, তেওঁ কলটো কোনো চিন্তা নকৰাকৈয়ে বাকলি গুচাই খাই পেলায়৷ এই ঘটনাৰ এটা ভিডিঅ'ও ভাইৰেল হৈ পৰিছে।
নোহ হিউন চু চিউল বিশ্ববিদ্যালয়ৰ এজন কলা বিভাগৰ ছাত্ৰ৷কিন্তু অতি মূল্যৱান চিত্ৰকৰ্মৰ সৈতে আঁৰি ৰখা কলটো খাই পেলোৱাৰ বাবে সংগ্ৰহালয় কৰ্তৃপক্ষই যুৱকজনক কোনো শাস্তি নিবিহিলে৷ ইয়াৰ পৰিৱৰ্তে তেওঁ ঘৰলৈ যাবলৈ অনুমতি দিয়া হয়। সংগ্ৰহালয় কৰ্তৃপক্ষই আন এটা কল আনি দেৱালত লগাই দিয়ে৷ জানিব পৰা মতে সংগ্ৰহালয়ৰ মানুহে প্ৰতি তিনি দিনৰ মূৰে মূৰে মাউৰিজিঅ'ৰ শিল্পকৰ্মত কল সলনি কৰে।
ইটালীৰ শিল্পী মাউৰিজিঅ কেটেলনৰ কলা প্ৰথমবাৰৰ বাবে ২০১৯ চনত মিয়ামি বীচ আৰ্ট বাছেলত প্ৰদৰ্শিত হৈছিল। সেই সময়ত সেই চিত্ৰকৰ্ম ৯৮ লাখ টকাৰো অধিক মূল্যত বিক্ৰী কৰা হৈছিল। কলটোক প্ৰতিকী ৰূপত চিত্ৰকৰ্মৰ সৈতে আঁৰি থোৱা হয়৷
Continue Reading
