ডিজিটেল ডেস্কঃ এতিয়াও ৩০০ নৃত্যশিল্পীৰ ধৰ্মঘট চলি আছে। তেওঁলোকে পেৰিছ অলিম্পিকৰ মুকলি অনুষ্ঠানত অংশগ্ৰহণ কৰাৰ কথা আছিল। কিন্তু পৰিস্থিতিৰ প্ৰতি লক্ষ্য ৰাখি অনুষ্ঠানটোৰ পূৰ্বে তেওঁলোকে ধৰ্মঘট শেষ কৰাৰ সম্ভাৱনা কম। ফলত মুকলি অনুষ্ঠানৰ আশে-পাশে সমস্যাৰ সৃষ্টি হৈছে।
অলিম্পিকৰ আয়োজকসকলে জনোৱা মতে, মুকলি অনুষ্ঠানত ৩০০০ নৃত্যশিল্পীয়ে অংশগ্ৰহণ কৰিব। ইয়াৰ ভিতৰত এছ এফ এ-চি জি টি সংগঠনৰ ৩০০ নৃত্যশিল্পীয়ে ধৰ্মঘট আৰম্ভ কৰিছে। দৰমহাৰ বৈষম্যৰ দাবী উত্থাপন কৰিছে। তেওঁলোকৰ দাবী, অলিম্পিকৰ দায়িত্বত থকা আৰক্ষী আৰু অগ্নিনিৰ্বাপক বাহিনীৰ লোকক ১ লাখ ৭২ হাজাৰ টকা দৰমহা হিচাপে দিয়া হৈছে। কিন্তু উদ্বোধনী অনুষ্ঠানৰ লগত জড়িত নৃত্যশিল্পীসকলক পৰ্যাপ্ত দৰমহা দিয়া হোৱা নাই। এই বৈষম্যৰ প্ৰতিবাদত তেওঁলোকে আৰম্ভ কৰিছে ধৰ্মঘট।
মঙলবাৰে সংস্থাটোৰ সৈতে এক বৈঠকত বহিল উদ্যোগীসকল। তাতে ১০ হাজাৰ টকা অতিৰিক্ত দিয়াৰ প্ৰস্তাৱ দিলে। নৃত্যশিল্পীসকলে সেই প্ৰস্তাৱ নাকচ কৰিলে। ফলত মুকলি সভাক লৈ সন্দেহৰ সৃষ্টি হৈছে। ফ্ৰান্সৰ ব্যক্তিগত খণ্ডৰ আন বহু শ্ৰমিকে ধৰ্মঘটৰ ভাবুকি দিছে। তেওঁলোকে দাবী কৰে যে তেওঁলোকে গ্ৰীষ্মকালীন ছুটীৰ সময়ত অলিম্পিকৰ বাবে কাম কৰি আছে। ফলত তেওঁলোকে অতিৰিক্ত বোনাছ দিবলগীয়া হয়। লগতে দাবী পূৰণ নকৰিলে ধৰ্মঘট কৰিব বুলিও সকীয়াই দিয়ে।
অহা ২৬ জুলাইত ভাৰতীয় সময় অনুসৰি নিশা ৯ বজাৰ পৰা অলিম্পিক মুকলি হোৱাৰ কথা। এইবাৰ প্ৰথমবাৰৰ বাবে মুকলি হ’ব নদীত। শ্বেন নদীত অনুষ্ঠিত হ’ব এই পেৰেড। বহুদিন ধৰি প্ৰস্তুতি চলি আছে। অৱশ্যে ইয়াৰ মাজতে নৃত্যশিল্পীৰ ধৰ্মঘটৰ ফলত উদ্যোগীসকল চিন্তিত হৈ পৰিছে।
Continue Reading
