ডিজিটেল ডেস্কঃ ভাৰতৰ প্ৰধানমন্ত্ৰী নৰেন্দ্ৰ মোদীক বিশ্বৰ প্ৰধানমন্ত্ৰীসকলৰ ভিতৰত অন্যতম গণ্য কৰা হয়। কাইলৈ অৰ্থাৎ ১৭ ছেপ্টেম্বৰত প্ৰধানমন্ত্ৰীয়ে ৭২ সংখ্যক জন্মদিন উদযাপন কৰিব। এই বয়সতো ১৮ ঘণ্টা কাম কৰি নিজকে সক্ৰিয় আৰু ফিট কৰি ৰাখিবলৈ সক্ষম হৈছে প্ৰধানমন্ত্ৰী মোদীয়ে। নিজকে সুস্থ আৰু শক্তিশালী কৰি ৰাখিবলৈ পি এম মোদীয়ে বহুত যত্ন কৰে। ইয়াৰ সমান্তৰালকৈ নৰেন্দ্ৰ মোদীয়ে শাৰীৰিক আৰু মানসিক স্বাস্থ্যৰ বাবে যোগাসন আৰু উপবাসো কৰে। তেওঁ সুস্থ হৈ থাকিবলৈ কি কি খাদ্য গ্ৰহণ কৰে জানো আহক।
১) চজিনা পাতৰ পৰঠাঃ প্ৰধানমন্ত্ৰী মোদীয়ে কৈছিল যে তেওঁ সপ্তাহত এবাৰ বা দুবাৰ চজিনা পাতৰ পৰঠা সেৱন কৰে। চজিনাত বহুতো ঔষধি গুণ থাকে। ইয়াক খোৱাৰ ফলত ৰোগ প্ৰতিৰোধ ক্ষমতা বৃদ্ধি পায়। কেলচিয়ামযুক্ত হোৱাৰ বাবে ই বাতবিষত অতি উপকাৰী। হজমযোগ্য হোৱাৰ বাবে ই লিভাৰক সুস্থ কৰি ৰখাতো অতি ফলপ্ৰসূ। ইয়াৰ লগতে পেটৰ বিষ, গেছ, বদহজম আৰু কোষ্ঠকাঠিন্য আদি পেটৰ লগত জড়িত সমস্যাবোৰতো ই অতি উপকাৰী।
২) সপ্তাহত ৩ দিন বঘাৰেলি খিচিৰিঃ দেশৰ প্ৰধানমন্ত্ৰীৰ ফিটনেছৰ ৰহস্য কোনো দামী খাদ্য নহয়। তেওঁ গুজৰাটী ষ্টাইলত বনোৱা খিচিৰি সপ্তাহত তিনি দিন খায়। এই খিচিৰিক বাঘৰেলি খিচিৰি নামেৰেও জনা যায়। খিচিৰি হজমযোগ্য আৰু বি ভিটামিন, পটাছিয়াম, ফছফৰাছ, ফলিক এচিড, মেংগানিজ আৰু সকলো প্ৰয়োজনীয় এমিনো এচিডেৰে সমৃদ্ধ। খিচিৰিয়ে প্ৰদাহ নিবাৰণকাৰী উপকাৰীতা প্ৰদান কৰে। ইয়াৰ উপৰিও শ্বাস-প্ৰশ্বাসজনিত সমস্যা, এলাৰ্জী, বাতবিষ, ডায়েবেটিছ ঘাঁ আদিৰ চিকিৎসাতো এই খিচিৰি উপকাৰী।
৩) হালধিৰ নিয়মীয়া ব্যৱহাৰঃ নৰেন্দ্ৰ মোদীয়ে নিয়মিতভাৱে হালধি সেৱন কৰে। ফিট ইণ্ডিয়া মুভমেণ্টৰ এবছৰ সম্পূৰ্ণ হোৱাৰ পিছত ফিটনেছ আৰু স্বাস্থ্যৰ বিষয়ে কোৱাত তেওঁ কয় যে তেওঁৰ মাতৃয়ে তেওঁক সদায় সুধি থাকে যে তেওঁ দৈনিক হালধি খায় নে নাই। আচলতে আয়ুৰ্বেদৰ আটাইতকৈ ফলপ্ৰসূ ঔষধৰ ভিতৰত হালধিক গণ্য কৰা হয়। ইয়াৰ এন্টি-ইনফ্লেমেটৰী, এন্টিঅক্সিডেন্ট, এন্টিটিউমাৰ, এন্টিচেপ্টিক, এন্টিভাইৰেল, কাৰ্ডিঅ’প্ৰটেক্টিভ (হৃদযন্ত্ৰৰ বাবে স্বাস্থ্যকৰ গুণ), হেপাটোপ্ৰটেক্টিভ (যকৃত-স্বাস্থ্যকৰ গুণ) আৰু নেফ্ৰ’প্ৰটেক্টিভ (কিডনী-স্বাস্থ্যকৰ গুণ) গুণ আছে।
৪) দৈনিক এবাটি দৈঃ প্ৰধানমন্ত্ৰী মোদীয়ে প্ৰতিদিনে এবাটি দৈ সেৱন কৰে। হজম শক্তিৰ বাবে দৈ উপকাৰী বুলি ধৰা হয়। যদি আপুনি প্ৰতিদিনে এবাটি দৈ সেৱন কৰে, তেন্তে আপুনি অস্বাস্থ্যকৰ ওজন, দুৰ্বল ৰোগ প্ৰতিৰোধ ক্ষমতা, দুৰ্বল দাঁত-হাড় আৰু হৃদযন্ত্ৰৰ লগত জড়িত গুৰুতৰ ৰোগৰ দৰে সমস্যাৰ পৰা হাত সাৰিব পাৰে। ইয়াৰ কাৰণ হ’ল দৈত পোৱা পুষ্টিকৰ উপাদান যেনে কেলচিয়াম, ভিটামিন বি-১২, ভিটামিন বি-২, মেগনেছিয়াম আৰু পটাছিয়াম।
৫) হিমাচলৰ পাহাৰী মাশ্বৰূমঃ নৰেন্দ্ৰ মোদীয়ে হিমাচলত খেতি কৰা পাহাৰীয়া মাশ্বৰূম সেৱন কৰে। ইয়াত বহুতো পুষ্টিকৰ উপাদান থাকে যিয়ে ইয়াক স্বাস্থ্যৰ বাবে উপকাৰী কৰি তোলে। ইয়াক মৰেল মাছৰুম বোলা হয়। ইয়াত ভিটামিন ডি প্ৰচুৰ পৰিমাণে থাকে। ইয়াৰ লগতে ই যকৃতক ডিটক্স কৰে, ৰোগ প্ৰতিৰোধ ক্ষমতা বৃদ্ধি কৰে, হৃদৰোগৰ পৰা ৰক্ষা কৰে বুলি জনা যায়।
Continue Reading
