ডিজিটেল ডেস্কঃ গুজৰাটৰ চুৰাটত ভুৱা চিকিৎসকৰ বিৰুদ্ধে অভিযান চলাই থকাৰ সময়তে আৰক্ষীয়ে গ্ৰেপ্তাৰ কৰিছে এগৰাকী মহিলা আৰু এজন পুৰুষক। অভিযোগ উত্থাপন হৈছে যে তেওঁলোকে চিকিৎসকৰ ৰূপ লৈ ৰোগীৰ চিকিৎসা কৰিছিল। মহিলাগৰাকীয়ে দ্বাদশ শ্ৰেণীলৈকে পঢ়িছে, আনহাতে পুৰুষজনে দশম শ্ৰেণীলৈকে পঢ়িছে। দুয়োৰে বিৰুদ্ধে আৰক্ষীয়ে গোচৰ ৰুজু কৰি ব্যৱস্থা আৰম্ভ কৰিছে। বৰ্তমান আৰক্ষীয়ে দুয়োৰে পৰা কোনো ধৰণৰ চিকিৎসাৰ ডিগ্ৰী লাভ কৰা নাই।
তথ্য অনুসৰি চুৰাটৰ উমৰা আৰক্ষী থানাই এই ব্যৱস্থা গ্ৰহণ কৰিছে। ইতিমধ্যে চিকিৎসকৰ ৰূপ লৈ মানুহক চিকিৎসা কৰা এজন পুৰুষ আৰু এগৰাকী মহিলাক গ্ৰেপ্তাৰ কৰিছে আৰক্ষীয়ে। ডিচিপি বিজয় সিং গুৰজাৰে কয় যে ধৃত অভিযুক্তৰ নাম প্ৰয়াগ ৰামচন্দ্ৰ প্ৰসাদ আৰু ললিতা কৃপা শংকৰ সিং। মহিলাগৰাকীয়ে দ্বাদশ শ্ৰেণীলৈকে পঢ়া-শুনা কৰিছে আৰু প্ৰয়াগ ৰামচন্দ্ৰ প্ৰসাদে দশম শ্ৰেণীলৈকে পঢ়িছে।
এই দুয়োজন ভুৱা ডাক্তৰে আগতে এলোপেথিক ঔষধেৰে মানুহক চিকিৎসা কৰিছিল। দুয়োজনে এখন ক্লিনিক খুলিছিল য’ৰ পৰা এলোপেথিক ঔষধ উদ্ধাৰ কৰা হৈছে। আৰক্ষীয়ে দুয়োৰে পৰা চিকিৎসাৰ প্ৰমাণ পত্ৰ বিচৰাত কোনো প্ৰমাণ পত্ৰ বিচাৰি নাপালে। চুৰাটৰ উমৰা আৰক্ষী থানাৰ লগতে স্বাস্থ্য বিভাগৰ দলটোৱে দুয়োকে গ্ৰেপ্তাৰ কৰি অধিক তদন্ত আৰম্ভ কৰিছে।
তেওঁলোকে কিমান বছৰ ধৰি চুৰাটত ডাক্তৰ হিচাপে প্ৰেকটিছ কৰি আছিল, সেয়া বৰ্তমান জানিব পৰা হোৱা নাই।
Continue Reading
