দুবাৰকৈ কৰ্কট ৰোগক পৰাস্ত, এক কিলোগ্ৰাম চকলেট খোৱা পৃথিৱীৰ বৰ্ষীয়ান মহিলাগৰাকীৰ ১৩৫ বছৰ বয়সত মৃত্যু.

ডিজিটেল ডেস্কঃ পৃথিৱীৰ আটাইতকৈ বৰ্ষীয়ান মানুহগৰাকী এই পৃথিৱীত নাই৷ আজিৰ পৰা এসপ্তাহৰ আগতে লোকজনৰ মৃত্যু হৈছে৷ চীনা বিষয়াসকলৰ মতে, পৃথিৱীৰ আটাইতকৈ বৃদ্ধ ব্যক্তি আলমিহান চাইতি এই পৃথিৱীত নাই৷ মৃত্যুৰ সময়ত তেওঁৰ বয়স আছিল ১৩৫ বছৰ। তেওঁৰ নাম আনকি গিনিজ বুক অফ ৱৰ্ল্ড ৰেকৰ্ডছতো সন্নিৱিষ্ট হোৱা নাছিল। চীনা চৰকাৰে ইয়াক লৈ দুখপ্ৰকাশ কৰে। গিনিছ বুকত ৰেকৰ্ড থকা পৃথিৱীৰ আটাইতকৈ বৰ্ষীয়ান মহিলাগৰাকীৰ বয়স ১১৮ বছৰ। তেওঁৰ পৰৱৰ্তী ৰেকৰ্ড বৰ্তমান জাপানৰ কেন তানাকাৰ যাৰ বয়স আছিল ১১৪৷

পৃথিৱীৰ আটাইতকৈ বৃদ্ধ ব্যক্তি আলমিহান চাইটিৰ জন্ম ১৮৮৬ চনৰ ২৫ জুনত হৈছিল। সেই সময়ত, ৰজা ৰাজবংশে চীনশাসন কৰিছিল। চীনা চৰকাৰে দাবী কৰে যে, আলমিহান চাইতি বিশ্বৰ আটাইতকৈ বৃদ্ধ মহিলা। তেওঁ মৃত্যুলৈকে প্ৰতি সপ্তাহত এক কিলোগ্ৰাম চকলেট খাইছিল, লগতে তেওঁ মৃত্যুলৈকে ধূমপান আৰু সুৰাপানো কৰিছিল। দুখৰ বিষয় যে তেওঁৰ পৰিয়াল বা চীনা কৰ্তৃপক্ষই তেওঁৰ বয়সৰ বিষয়ে কোনো প্ৰমাণ পত্ৰ দিব নোৱাৰিলে, যাৰ বাবে গীণিজ বুকত তেওঁৰ নাম সন্নিৱিষ্ট নহ’ল৷ উল্লেখ্য যে, আলমিহানৰ পৰিয়ালেও কেতিয়াও গিনিজ ৱৰ্ল্ড ৰেকৰ্ডছত তেওঁৰ নাম অন্তৰ্ভুক্ত কৰিবলৈ কতৃপক্ষৰ সৈতে যোগাযোগ কৰা নাছিল।

১৬ ডিচেম্বৰত আলমিহান চাইটিৰ মৃত্যু হয়। তেওঁ জীৱনত দুবাৰকৈ কৰ্কট ৰোগক পৰাস্ত কৰিছে। আলমিহানে ১৭ বছৰ বয়সত বিবাহ পাশত আৱদ্ধ হৈছিল। সংবাদ মাধ্যমৰ অনুসৰি, ১৯৭৬ চনত তেওঁৰ স্বামীৰ মৃত্যু হয়। চকলেটৰ প্ৰতি থকা প্ৰেমৰ উপৰিও, আলমিহানে গান ভাল পোৱাৰ লগতে বিভিন্ন বাদ্যযন্ত্ৰ বজাব জানিছিল।