ডিজিটেল ডেস্কঃ অভিনেত্ৰী শ্বেতা তিৱাৰীয়ে ৪১ বছৰ বয়সতো নিজৰ সৌন্দৰ্য্য আৰু ফিটনেছক ধৰি ৰখাৰ বাবে প্ৰায়ে চৰ্চাত থাকে। শ্বেতা তিৱাৰী এগৰাকী সুপৰিচিত টিভি অভিনেত্ৰী। তেওঁ কেৱল নিজৰ পেছাদাৰী জীৱনক লৈয়ে নহয় ব্যক্তিগত জীৱনৰ বাবেও শিৰোনামত থাকে।ছ'চিয়েল মিডিয়াত অতি সক্ৰিয় হৈ থকা শ্বেতাই নিজৰ ছবিৰে অনুৰাগীসকল চমকিত কৰি তোলে।
শ্বেতাৰ দৰেই তেওঁৰ ২১ বছৰীয়া কন্যা পলক তিৱাৰীও ছ'চিয়েল মিডিয়াত অতি সক্ৰিয়। নিজৰ দুবাৰকৈ সংসাৰ ভঙাৰ পাছত এতিয়া কন্যা পলকক বিয়া নাপাতিবলৈ পৰামৰ্শ দিছে শ্বেতা তিৱাৰীয়ে। শ্বেতাৰ এই সিদ্ধান্তই সকলোকে আচৰিত কৰি তুলিছে, মানুহৰ মনত প্ৰশ্ন উত্থাপন হৈছে যে এগৰাকী মাতৃয়ে কিয় কন্যাৰ বিয়া হোৱাটো বিচৰা নাই?
শেহতীয়াকৈ দিয়া এক সাক্ষাৎকাৰত শ্বেতাই কয় যে ‘‘দুবাৰকৈ বিবাহ বিচ্ছেদ হোৱাৰ পাছত এতিয়া বিবাহৰ প্ৰতি থকা মোৰ চিন্তাধাৰা সলনি হৈছে। ‘মই এতিয়া বিবাহত একেবাৰেই বিশ্বাস নকৰো, আনকি মই মোৰ ছোৱালীক পলককো বিয়া নকৰিবলৈও কওঁ। যদিও এয়া তাইৰ নিজৰ জীৱন, মই তাইক কেনেকৈ জীয়াই থাকিব লাগে তাৰ নিৰ্দেশ নিদিওঁ, কিন্তু মই বিচাৰো তাই বিয়াৰ সিদ্ধান্ত লোৱাৰ আগতে ভালদৰে চিন্তা কৰক।’’
শ্বেতাই লগতে কয়, ‘‘সম্পৰ্কত থকাৰ বাবেই বিয়া হোৱাটো প্ৰয়োজনীয় নহয়। আপুনি এনেকৈ ভাবিব নালাগে যে বিয়া পতাটো অতি জৰুৰী আৰু ইয়াৰ অবিহনে জীৱনটো চলাব নোৱাৰি। প্ৰতিখন বিয়াই বেয়া নহয়। মোৰ বহুতো বিবাহিত বন্ধু বহুত সুখী কিন্তু মই এনেকুৱা সংসাৰো দেখিছো যত দুয়োজনে জীৱনত কেৱল বুজাপৰাৰ মাজতহে চলি থাকে। সেইবাবেই মই মোৰ ছোৱালীজনীক ক’ব বিচাৰো যে সামাজিক হেঁচাত কোনো সিদ্ধান্ত ল’ব নালাগে, তাইক যি কামে সুখী কৰে তাই সেইটো কামেই কৰক।’’
Continue Reading
