ডিজিটেল ডেস্কঃ কেটৰিনা কাঈফ, দীপিকা পাডুকন হৈছে বলীউড ইণ্ডাষ্ট্ৰীৰ শীৰ্ষস্থানীয় অভিনেত্ৰী। যাৰ লগত নতুন পুৰণি সকলো অভিনেতাই কাম কৰাৰ সপোন দেখে। কিন্তু বৰুণ ধাৱানে কেটৰিনা কাঈফ আৰু দীপিকা পাডুকনৰ সৈতে কাম কৰিব নিবিচাৰে। কফি উইথ কৰণত নিজে এই কথা শ্বেয়াৰ কৰিছে বৰুণে। বৰুণৰ কথা শুনি সকলো আচৰিত হৈ পৰিছে।
কফি উইথ কৰণৰ নতুন খণ্ডটো যথেষ্ট আকৰ্ষণীয় হ’বলৈ গৈ আছে। শ্ব’টোৰ শেহতীয়া প্ৰম'টোৱে সেই কথা প্ৰমাণিত কৰিছে।। এই বিশেষ খণ্ডটোত বৰুণক অভিনেতা অনিল কাপুৰৰ সৈতে শ্ব’টোত দেখা যাব। য’ত তেওঁ পেছাদাৰী জীৱনৰ পৰা ব্যক্তিগত জীৱনৰ বিষয়ে বহু কথা আলোচনা কৰিব। প্ৰম'ত কৰণ জোহৰে বৰুণক এই প্ৰশ্নটো সুধি থকা দেখা গৈছে যে কেটৰিনা বা দীপিকা, কাৰ সৈতে আপুনি কাম কৰিব বিচাৰিব? ইয়াৰ উত্তৰত বৰুণে কয় যে ''তেওঁলোকতকৈ মোক দেখাত সৰু লাগে।'' এই উত্তৰ শুনি কৰণে সুধে যে আপুনি ক’ব বিচাৰে নেকি যে ''তেওঁলোকক আপোনাতকৈ ডাঙৰ দেখা যায়।'' বৰুণে কয় যে ''মোক সৰু দেখা যায়।''
বৰুণৰ কথাটো শুনি হয়তো কেটৰিনা আৰু দীপিকাৰ অলপ খং উঠিব পাৰে বুলি ধাৰণা কৰিছে সকলোৱে।
উল্লেখ্য যে বৰুণ ধাৱানৰ সদ্য মুক্তিপ্ৰাপ্ত “জুগ জুগ জিঅ’” ছবিখনে বক্স অফিচত জনপ্ৰিয় হৈ পৰিছে। এই ছবিখনত কিয়াৰা আদৱানীৰ সৈতে তেওঁৰ যুটিটোক সকলোৱে পচন্দ কৰিছে। ইয়াৰ লগতে ভেড়িয়াত কৃতী সেননৰ সৈতে বৱালত জাহ্নৱী কাপুৰৰ সৈতে দেখা যাব বৰুণক।
Continue Reading
