ডিজিটেল ডেস্কঃ সুশান্ত সিং ৰাজপুত,ভাৰতীয় টেলিভিশ্যন জগতৰ পৰা ৰূপালী পৰ্দাৰ নায়কলৈ সকলো চৰিত্ৰৰে দৰ্শকৰ মন মোহা এজন প্ৰতিভাৱান অভিনেতা আছিল৷সদায় এটা হাঁহি মুখত লৈ থকা অভিনেতাজনে হঠাতে এদিন পৃথিৱীৰ পৰা মেলানি মাগিলে৷প্ৰয়াত অভিনেতা সুশান্ত সিং ৰাজপুতৰ মৃত্যুৰ কাৰণ কেন্দ্ৰীয় তদন্তকাৰী সংস্থাৰ তদন্তই এতিয়াও চূড়ান্ত কৰিব পৰা নাই। আচলতে এই বিষয়টো কেৱল আমেৰিকাতহে আবদ্ধ হৈ আছে। দুৰ্নীতি বিৰোধী সংস্থাটোৱে ২০২১ চনত কেলিফৰ্ণিয়াৰ মুখ্য কাৰ্যালয় থকা গুগল আৰু ফেচবুকলৈ আনুষ্ঠানিক অনুৰোধ প্ৰেৰণ কৰিছিল, অভিনেতাজনৰ সকলো ডিলিট কৰা বাৰ্তা, ইমেইল বা পোষ্টৰ সবিশেষ শ্বেয়াৰ কৰে যাতে চিবিআইয়ে সকলো বাৰ্তা আৰু মেইল তথা পোষ্ট বিশ্লেষণ কৰিব পাৰে।
উল্লেখযোগ্য যে ১৪ জুন, ২০২০ তাৰিখে সুশান্তক তেওঁৰ এপাৰ্টমেণ্টত মৃত অৱস্থাত উদ্ধাৰ কৰা হৈছিল। তাৰ পাছত এই৷মৃত্যুৰ তদন্ত চিবিআইয়ে লাভ কৰে৷তদুপৰি ভাৰত আৰু আমেৰিকাৰ মিউচুৱেল লিগেল এচিষ্টেন্স ট্ৰিটি (MLAT) আছে, যাৰ অধীনত দুয়োপক্ষই যিকোনো ঘৰুৱা তদন্তত তথ্য লাভ কৰিব পাৰে৷এক প্ৰতিবেদন অনুসৰি চিবিআইৰ এজন বিষয়াই কয়, ‘আমি এতিয়াও এই কাৰিকৰী প্ৰমাণৰ ওপৰত আমেৰিকাৰ সঁহাৰিৰ বাবে অপেক্ষা কৰি আছো, যিয়ে আমাক গোচৰটোক যুক্তিসংগত সিদ্ধান্তলৈ লৈ যোৱাত সহায় কৰিব পাৰে। এই কাৰণেই মৃত্যুৰ বিষয়টো চূড়ান্ত কৰাত আমাৰ পলম হৈছে।"
Continue Reading
