ডিজিটেল ডেস্কঃ এটি সপ্তম শ্ৰেণৰীৰ ছাত্ৰৰ বুদ্ধিমত্তাই এটা ডাঙৰ বিপদৰ পৰা ৰক্ষা কৰিলে ৬৬ গৰাকী ছাত্ৰ-ছাত্ৰীক। শেহতীয়াকৈ এইগৰাকী ছাত্ৰই সংবাদ মাধ্যমৰ শিৰোনাম দখল কৰিবলৈ সক্ষম হৈছে ।
তথ্য অনুসৰি, যোৱা ২৬ এপ্ৰিলত মিচিগান কাৰ্টাৰ স্কুলৰ সপ্তম শ্ৰেণীৰ ছাত্ৰ ডিলান ৰিভছ নিজৰ সহপাঠী সকলৰ সৈতে স্কুল বাছত নিজৰ পঢ়াশালি লৈ গৈ আছিল। কিন্তু বাছখন চলই থকাৰ অৱস্থাতে স্বাস্থ্যৰ অৱনতি ঘটাৰ বাবে হঠাতে বাছৰ চালকজনে সংজ্ঞা হেৰুৱাই পেলাই।
সেই দৃশ্য দেখি ডিলানে লগে লগে ড্ৰাইভাৰৰ কেবিনলৈ দৌৰি গৈ বাছখনৰ ষ্টিয়াৰিঙ নিজৰ নিয়ন্ত্ৰণ লৈ আনে। ইয়াৰ পিছত ডিলানে ব্ৰেক মাৰি বাছখনৰ গতি হ্ৰাস কৰে আৰু বাছখনৰ ইঞ্জিনটো বন্ধ কৰি দিয়ে। যাৰ ফলত এটা ডাঙৰ সাম্ভাৱ্য বিপদৰ পৰা ৰক্ষা পৰে ডিলানৰ লগতে বাকী ৬৬ গৰাকী ছাত্ৰ-ছাত্ৰীৰ জীৱন।
ইতিমধ্যে বাছখনত থকা চিচি টিভি কেমেৰাত বন্দী হৈছে ডিলানৰ বুদ্ধিদীপ্ততা আৰু দুঃসাহসিক কামৰ এই সমগ্ৰ দৃশ্য। এই দৃশ্য এতিয়া সমগ্ৰ বিশ্বতে ভাইৰেল হৈ পৰিছে।
উল্লেখ্য যে বাছখন ৰখোৱাৰ পিছত ডিলানে বাকী ছাত্ৰ-ছাত্ৰীসকলক তৎক্ষণাত ৯১১ নম্বৰত ফোন কৰিবলৈ কয়। সেই ফোন পোৱাৰ পিছত আৰক্ষী আৰু উদ্ধাৰকাৰী দল তাত উপস্থিত হয়।
Continue Reading
