ডিজিটেল ডেস্কঃ সুৰাপান কৰি গাড়ী চলোৱাৰ অভিযোগত নেডাৰলেণ্ডৰ আৰক্ষীয়ে গ্ৰেপ্তাৰ কৰিলে 'বৰিছ জনছন'ক! অৱশ্যে সমগ্ৰ বিষয়টোৱে কৌতূহলৰ সৃষ্টি কৰাৰ সময়তে নেডাৰলেণ্ড আৰক্ষীয়ে সমগ্ৰ বিষয়টো স্পষ্ট কৰিছে৷
নেডাৰলেণ্ডৰ আৰক্ষীৰ এজন বিষয়াই প্ৰকাশ কৰা মতে গ্ৰেপ্তাৰ কৰা লোক জনে বৰিছ জনছনৰ ছবি থকা ইউক্ৰেইনৰ ড্ৰাইভিং লাইচেঞ্চ এখন লগত লৈ ফুৰিছিল৷ ডাচ্চ আৰক্ষীয়ে লগতে কয় যে যে সুৰাপান কৰি গাড়ী চলোৱা লোকজনে নিজৰ নামো বৰিছ জনছন বুলিয়েই লিখিছিল৷
প্ৰাক্তন ব্ৰিটিছ প্ৰধানমন্ত্ৰীৰ ছবি আৰু সঠিক জন্ম তাৰিখৰ সৈতে সম্পূৰ্ণ ভুৱা চালকৰ অনুজ্ঞাপত্ৰ খন ২০১৯ চনত জাৰি কৰা বুলি দেখুওৱা হৈছে৷ অনুজ্ঞাপত্ৰ খনৰ ম্যাদ ২০৩০ চনলৈকে আছিল। আৰক্ষীৰ মুখপাত্ৰ থিজ ছ ডামষ্ট্ৰাই কয় যে আৰক্ষী বিষয়াসকলে দেওবাৰে মাজনিশা এমা ব্ৰিজৰ ওচৰত এখন গাড়ীয়ে খুটাত খুন্দা মৰা দেখিছিল।
আৰক্ষীয়ে ৩৫ বছৰীয়া লোকজনক গ্ৰেপ্তাৰ কৰে৷ আৰক্ষীয়ে লোকজনে ক'ত জাল নথিখন তৈয়াৰ কৰিছিল সেই বিষয়ত তদন্ত কৰি আছে৷ উল্লেখ্য ইয়াৰ পূৰ্বেও বহু বিখ্যাত লোকৰ নাম আৰু ছবি ব্যৱহাৰ কৰি বহুতে জাল নথি প্ৰস্তুত কৰাৰ কথা ধৰা পৰিছে৷
Continue Reading
