ডিজিটেল ডেস্কঃ বিত্তীয় সংকটৰ বাবে দুমাহৰ ভিতৰতে আমেৰিকা যুক্তৰাষ্ট্ৰত বন্ধ হৈ পৰিছিল তিনিটাকৈ বেংক। এতিয়া জে পি মৰ্গান চেজ এণ্ড কোম্পানীয়ে ক্ৰয় কৰিছে অৰ্থনৈতিক সংকটত ভোগা আমেৰিকাৰ ‘ফাৰ্ষ্ট ৰিপাব্লিক বেংক’।
আমেৰিকাৰ বিত্তীয় নিয়ন্ত্ৰক সংস্থাসমূহে জনোৱা মতে, বিত্তীয় সংকটৰ বাবে বেংকটো বন্ধ কৰা হৈছে। অৰ্থনৈতিকভাবে বিধ্বস্ত এই বেংকটোক ক্ৰয় কৰি উদ্ধাৰ কৰিব খুজিছে জে পি মৰ্গান এণ্ড কোম্পানীয়ে। উল্লেখ্য যে যোৱা দুমাহৰ ভিতৰত বিফল হৈ বন্ধ হৈ যোৱা এইটো আমেৰিকাৰ তৃতীয়টো বেংক।
জানিব পৰা মতে, জে পি মৰ্গানে ফাৰ্ষ্ট ৰিপাব্লিকৰ পৰা ১৭৩ বিলিয়ন ডলাৰ ঋণ, ৩০ বিলিয়ন ডলাৰ ছিকিউৰিটি আৰু ৯২ বিলিয়ন ডলাৰ জমা ধন লাভ কৰিব।
খবৰ অনুসৰি, ফাষ্ট ৰিপাব্লিক বেংকৰ নিলাম প্ৰক্ৰিয়াত অংশগ্ৰহণ কৰা প্ৰধান বেংকসমূহ আছিল চিটিজেন ফাইনেন্সিয়েল গ্ৰুপ ইনকৰ্পৰেশ্যন, পিএনজি ফাইনেন্সিয়েল চাৰ্ভিচেছ গ্ৰুপ আৰু জে.পি.মৰ্গান চেজ এণ্ড কোম্পানী।
সোমবাৰে পুৱা কেলিফৰ্ণিয়াৰ বিত্তীয় সুৰক্ষা আৰু উদ্ভাৱন বিভাগে কয় যে ফাৰ্ষ্ট ৰিপাব্লিক বেংকৰ নিয়ন্ত্ৰণ এতিয়া জে.পি.মৰ্গান চেজ এণ্ড কোম্পানীৰ হাতত। ইয়াৰ উপৰিও এফডিআইচিয়ে বেংকটোৰ ৰিচিভাৰ বা ছুপাৰভাইজাৰ হিচাপে কাম কৰিব।
Continue Reading
