ডিজিটেল ডেস্কঃ দিল্লীৰ তিছ হাজাৰী আদালতত সংঘটিত গুলীচালনা ঘটনাই তীব্ৰ প্ৰতিক্ৰিয়াৰ সৃষ্টি কৰিছে। বুধবাৰে দুপৰীয়া প্ৰায় ১.৩০ বজাত, দিল্লীৰ তিছ হাজাৰী আদালতত গুলীচালনাৰ ঘটনাটো ঘটে। জানিব পৰা মতে আদালত চৌহদত কমেও ন ৰাউণ্ড গুলীচালনা কৰা হয়। খবৰ অনুসৰি গুলীচালনাৰ ঘটনাটো অধিবক্তা একাংশৰ মাজত কোনো কথাকলৈ হোৱা মতবিৰোধৰ ফলতে হৈছিল।
অৱশ্যে এতিয়ালৈকে কোনো লোক হতাহত হোৱাৰ খবৰ পোৱা হোৱা নাই। পূৰ্বেও দিল্লীৰ আদালত চৌহদত কেইবাবাৰো গুলীচালনাৰ ঘটনা সংঘটিত হৈছিল। পূৰ্বৰ ঘটনাবোৰত কেইবাজনো লোক আহত হৈছিল। বুধবাৰে আদালত চৌহদত হোৱা গুলীচালনাৰ ঘটনাত আদালতৰ কৰ্মচাৰীৰ মাজত আতংক বিয়পি পৰে। ঘটনাৰ খবৰ পোৱাৰ পিছতে আৰক্ষী ঘটনাস্থলীত উপস্থিত হয় আৰু তদন্ত আৰম্ভ কৰে। ঘটনাটোত জড়িত অধিবক্তা কেইজনৰ পৰিচয় এতিয়ালৈকে জানিব পৰা হোৱা নাই।
চলিত বৰ্ষৰ এপ্ৰিল মাহতো দিল্লীৰ চাকেট আদালতত গুলীচালনাৰ ঘটনা সংঘটিত হৈছিল। এজন লোকে তেওঁৰ পত্নীৰ ওপৰত গুলী চালনা কৰিছিল। লোক নে আদালত চৌহদতে পত্নীক হত্যা কৰাৰ পৰিকল্পনা কৰিছিল। লোক জনে পূৰ্ব পৰিকল্পিত ভাৱে উকীলৰ পোছাক পিন্ধি আদালতলৈ আহিছিল। পিছত এয়া প্ৰকাশ পাইছিল যে অভিযুক্তজন এসময়ত পেছাত এজন উকীল আছিল। তেওঁক বাৰ কাউন্সিলে বিভিন্ন অভিযোগত নিলম্বিত কৰিছিল।
Continue Reading
