ডিজিটেল ডেস্কঃ নিগনিয়েও ভাং খায়! ২২ কিলোগ্ৰাম ভাং খাই পেলালে নিগনিয়ে। নিগনিৰ কৃপাতে অভিযুক্ত লোক দুজনক কাৰাগাৰৰ পৰা মুকলি কৰি দিয়া হৈছে । চেন্নাইত ঘটিছে এই অদ্ভুত ঘটনা। দুয়োজন লোকৰ বিৰুদ্ধে ভাং সৰবৰাহৰ অভিযোগ আৰোপ কৰা হৈছিল।
অৱশ্যে নিগনিয়ে জব্দ কৰা ভাং খাই শেষ কৰাৰ বাবেই আৰক্ষীয়ে আদালতত প্ৰমাণ দাখিল কৰিব নোৱাৰিলে। ফলস্বৰূপে, বিচাৰকে অভিযুক্ত লোক দুজনক চৰ্তহীনভাবে মুক্তি প্ৰদান কৰে।
গোচৰটো ২০২০ চনত আৰম্ভ হৈছিল। একে বছৰতে ৰাজাগোপাল আৰু নাগেশ্বৰ ৰাওক মেৰিনা আৰক্ষীয়ে ২২ কিলোগ্ৰাম ভাঙৰ সৈতে ধৰা পেলাইছিল। আৰক্ষীয়ে সেই ভাং জব্দ কৰিছিল। প্ৰাথমিক অনুসন্ধানৰ পিছত অভিযুক্ত দুজনক কাৰাগাৰলৈ প্ৰেৰণ কৰা হৈছিল। আৰক্ষীয়ে শেহতীয়াকৈ গোচৰটোত অভিযোগনামা দাখিল কৰিছে ।
অৱশ্যে আদালতত আৰক্ষী বিষয়াসকলে ১০০ গ্ৰাম ভাংহে জমা কৰিবলৈ সক্ষম হৈছে। বিচাৰকজনে বাকী ২১.৯ কিলোগ্ৰাম জব্দ কৰা ভাং ক'লৈ গ’ল বুলি সোধাত অনুসন্ধানকাৰী আৰক্ষীয়ে এটা অদ্ভুত উত্তৰ দিয়ে । তেওঁ কয় যে ভাং খিনি সংৰক্ষণ কৰা হৈছিল। তাত বহুত নিগনি আছে। নিগনিবোৰে সেই ভাং খাই শেষ কৰিলে। বিচাৰকজনে তেতিয়া প্ৰমাণৰ অভাৱত অভিযুক্ত দুজনক নিৰ্দোষী সাব্যস্ত কৰে।
Continue Reading
