ডিজিটেল ডেস্ক: জীৱনৰ হেঁপাহত সময়ে দুয়োকে পুনৰ ওচৰ চপাই আনিলে৷ তেওঁলোকৰ প্ৰেমৰ আত্মিক অনুভৱে লগ দিলে নিয়তিকো৷ দুটা ভয়ংকৰ বিমান দুৰ্ঘটনাৰ পৰা প্ৰাণ বচাই তেওঁলোক এতিয়া ইজনে-সিজনৰ বাহুবন্ধনত৷ যেন নৱজীৱন পালে এই প্ৰেমাস্পদে৷
একেদিনাই দুটা পৃথক বিমান দুৰ্ঘটনাৰ দুয়োৰে জীৱনৰক্ষা পৰিছিল। ৩০ বছৰীয়া ষ্টেফানো পিৰেলি আৰু তেওঁৰ বাগদত্তা ২২ বছৰীয়া এণ্টোনিটা ডেমাচি বন্ধুবৰ্গৰ সৈতে চাভোনালৈ দুখন পৃথক বিমানত গৈ আছিল৷ আৰু আকাশমাৰ্গতে জীৱনৰ প্ৰতি ভাবুকিপূৰ্ণ পৰিস্থিতিৰ সন্মুখীন হৈছিল দুয়ো৷
ষ্টেফানো এখন বেলেগ বিমানত আছিল, যিখন দুৰ্ভাগ্যবশতঃ বিকল হৈ দুৰ্ঘটনাগ্ৰস্ত হৈছিল। আনহাতে, এণ্টোনিটাৰ বিমানখনে ষ্টেফানোৰ দুৰ্ঘটনাস্থলীৰ পৰা মাত্ৰ ২৫ মাইল দূৰত ইটালীৰ বুচানোত সমস্যাৰ সন্মুখীন হৈছিল৷
আশ্চৰ্যজনকভাৱে, ষ্টেফানো কোনোধৰণৰ আঘাতপ্ৰাপ্ত নোহোৱাকৈ ৰক্ষা পৰিছিল৷ আনহাতে এণ্টোনিটা সামান্য আঘাতপ্ৰাপ্ত হৈছিল। অৱশ্যে অগ্নিনিৰ্বাপক বাহিনীয়ে তেওঁলোকক ধ্বংসাৱশেষৰ পৰা দ্ৰুতগতিত উদ্ধাৰ কৰে৷
মূৰত আঘাতপ্ৰাপ্ত এণ্টোনিটাৰ পাইলট পাওলো ৰোটণ্ডোকে ধৰি প্ৰেমাস্পদ আৰু পাইলটসকলক চিকিৎসাৰ বাবে ততাতৈয়াকৈ চিকিৎসালয়লৈ লৈ যোৱা হয়।
Continue Reading
