ডিজিটেল ডেস্কঃ মদৰ বটলত ভৰাই অনা কোকেইন ধৰা পৰিল মুম্বাই বিমান বন্দৰত। ডিৰেক্টৰেট অৱ ৰেভিনিউ ইণ্টেলিজেন্সে (ডিআৰআই) এটা বিবৃত্তিযোগে এই কথা জনাইছে।
জব্দ হোৱা কোকেইনখিনিৰ মূল্য ২০ কোটি টকা বুলি জানিব পৰা গৈছে। কোকেইনখিনি নাইজেৰিয়াৰ ৰাজধানী লাগোচৰ পৰা ইথিঅ’পিয়াৰ আদিছ আবাবা হৈ মুম্বাইলৈ অনা হৈছিল। কিন্তু ইয়াৰ পূৰ্বেই ডিআৰআইয়ে বিশেষ সূত্ৰৰ জৰিয়তে সমগ্ৰ ঘটনা জানিব পাৰিছিল।
২৪ নৱেম্বৰত সেয়ে মুম্বাই বিমান বন্দৰত উপস্থিত থাকে ডিআৰআই। শেষত এই সংক্ৰান্তত এজন লোকক আটক কৰা হয়। তেওঁৰ বেগৰ পৰা ১ লিটাৰৰ দুটা হুইস্কীৰ বটল পোৱা যায়। বটলৰ ভিতৰৰ পানীয়খিনি পৰীক্ষা কৰি দেখা যায় যে তাত কোকেইন মিহলোৱা আছে। দুয়োটা হু্ইস্কীৰ বটলৰ ওজন আছিল চাৰে তিনি কেজি।
ডিআৰআইয়ে জনোৱামতে, এইধৰণে ড্ৰাগছ সৰৱৰাহ পূৰ্বে ধৰা পৰা নাছিল। কোকেইনখিনি মুম্বাইলৈ কাৰ বাবে পঠোৱা হৈছিল, তাক লৈ তদন্ত অব্যাহত আছে।
Continue Reading
