ডিজিটেল ডেস্কঃ শ্ৰীলংকাৰ বিৰুদ্ধে তৃতীয় আন্তঃৰাষ্ট্ৰীয় এদিনীয়াত ৰিয়ান পৰাগৰ দুৰ্দান্ত প্ৰদৰ্শন। ভাৰত আৰু শ্ৰীলংকাৰ মাজত অনুষ্ঠিত হৈ থকা তৃতীয়খন এদিনীয়া টীম ইণ্ডিয়াৰ বাবে অতি গুৰুত্বপূৰ্ণ। যদি এই মেচত ভাৰত পৰাস্ত হয় তেন্তে এই চিৰিজতো ভাৰত পৰাস্ত হ’ব। ভাৰতে যিকোনো প্ৰকাৰে জয়ী হোৱাটো প্ৰয়োজন। সেয়েহে অধিনায়ক ৰোহিত শৰ্মাই দলত পৰিৱৰ্তন আনিছে। তৃতীয় এদিনীয়াত ঋষভ পন্ত আৰু ৰিয়ান পৰাগে সুযোগ লাভ কৰিছে।
ভাৰতীয় দলৰ হৈ এদিনীয়া ক্ৰিকেটৰ মূল একাদশত স্থান পোৱা প্ৰথমগৰাকী অসমীয়া হিচাপে চিহ্নিত হৈছে ৰিয়ান পৰাগ।বলিঙত ৰিয়ানৰ দুৰ্দান্ত প্ৰদৰ্শন । শ্ৰীলংকাৰ অ’পেনাৰ অবিষ্কা ফাৰ্নাণ্ডোক শতক সম্পূৰ্ণ কৰিবলৈ নিদিলে ৰিয়ানে আৰু ৯৬ ৰানত পেভিলিয়নলৈ তেঁওক প্ৰেৰণ কৰে। ফাৰ্নাণ্ডোৱে ১০২টা বলত ৯টা চাৰি আৰু দুটা ছয় লয়। ফাৰ্নাণ্ডোৱে নিজৰ শতকলৈ মাত্ৰ চাৰিখোজৰ বাবে থমকি ৰয়। যদি তেওঁ শতক সম্পূৰ্ণ কৰিলেহেঁতেন তেন্তে এদিনীয়া খেলত তেওঁৰ চতুৰ্থ শতক হ’লহেঁতেন।
অবিষ্কা ফাৰ্নাণ্ডোৰ পিছত ৰিয়ান পৰাগে চৰিথ আচালাংকাক নিজৰ বলি কৰিছিল। তেওঁ চৰিথ আচালাংকাক এল বি ডব্লিউত আউট কৰি দিয়ে। যাৰ বাবে আচালাংকাই ১২টা বলত মাত্ৰ ১০ ৰানৰ ইনিংছ খেলিব পাৰিছিল। এই দুটা উইকেট টিম ইণ্ডিয়াৰ বাবে অতি গুৰুত্বপূৰ্ণ সময়ত আহিছিল। এটা সময়ত ১৭১ ৰানত ১ উইকেট হেৰুৱাই শ্ৰীলংকা শক্তিশালী অৱস্থাত আছিল। ইয়াৰ পৰাই ৰিয়ান পৰাগে দলটোক ৩ উইকেটত ১৮৩ ৰানলৈ লৈ যায়।
Continue Reading
