ডিজিটেল ডেস্কঃ তুৰস্ক-চিৰিয়াত ভূমিকম্পই এক বিশাল এলেকাক মৃত্যু উপত্যকাত পৰিণত কৰাৰ দুস্তাহৰ পিছত তুৰস্ক আৰু চিৰিয়াৰ সীমান্ত অঞ্চলক আন এটা ভূমিকম্পই জোাৰি গ’ল৷ ৰিখটাৰ স্কেলত ভূমিকম্পটোৰ প্ৰাবল্য আছিল ৬.৪৷ নতুনকৈ অহা ভূমিকম্পটোৰ ফলত তিনি জন লোক নিহত হোৱাৰ খবৰ পোৱা গৈছে৷
উল্লেখ্য চিৰিয়া-তুৰস্কৰ ভূমিকম্পত শেহতীয়াকৈ ৪৭,০০০ ৰো অধিক লোকৰ মৃত্যু ঘটিছে৷ কেইবা হাজাৰ ঘৰ ক্ষতিগ্ৰস্ত বা ধ্বংস হৈছে।ইউৰোপীয় ভূমধ্যসাগৰীয় ভূকম্পন কেন্দ্ৰই (ইএমএছচি) কয় যে শেহতীয়াকৈ হোৱা ভূমিকম্পটো ৬.৪ প্ৰাবল্যৰ আছিল, ভূমিকম্পৰ কেন্দ্ৰ স্থল দক্ষিণ তুৰ্কীৰ চহৰ অন্তকিয়াৰ ওচৰত আছিল আৰু ইজিপ্তৰ লগতে চিৰিয়াতো কম্পন অনুভৱ কৰা হৈছিল ৷ হাটাই চহৰৰ মেয়ৰ লুৎফু চাভাছে প্ৰকাশ কৰা মতে শেহতীয়া ভূমিকম্পৰ পিছত পূৰ্বে ক্ষতিগ্ৰস্ত ঘৰবোৰ পুনৰ ক্ষতি হৈছে৷
ভূমিকম্পত তিনিজন লোক নিহত আৰু ২০০ ৰো অধিক লোক আহত হৈছে। চামাণ্ডাগত দুৰ্যোগ আৰু জৰুৰীকালীন ব্যৱস্থাপনা কৰ্তৃপক্ষ এএফএডিয়ে এজন লোকৰ মৃত্যু হোৱাৰ খবৰ দিছে৷ উল্লেখ্য দুসপ্তাহ আগতে হোৱা ভূমিকম্পৰ ফলত মৃত্যুৰ সংখ্যা তুৰস্কত ৪১,১৫৬ লৈ বৃদ্ধি পাইছে৷ , এএফএডিয়ে কয় যে মৃতকৰ সংখ্যা আৰু অধিক বঢ়াৰ সম্ভাৱনা আছে৷ পূৰ্বৰ ভূমিকম্পত ৩,৮৫,০০০ এপাৰ্টমেণ্ট ধ্বংস বা গুৰুতৰভাৱে ক্ষতিগ্ৰস্ত হোৱা বুলি জনা গৈছে ৷ বহুলোক এতিয়াও সন্ধানহীন হৈ আছে।
Continue Reading
