ডিজিটেল ডেস্কঃ ৱেইটাৰৰ ৰূপত ৰেষ্টুৰেণ্টত ৰবট ব্যৱহাৰ চলি আহিছে। ভাৰততো কেইবাখনো ৰেষ্টুৰেণ্ট আছে, য’ত ৰবটৰ সহায়ত খাদ্য পৰিবেশন কৰা হয়। কিন্তু আপুনি কেতিয়াবা ভাবিছেনে যে ৰবটে ৰেষ্টুৰেণ্টত চেফ অৰ্থাৎ ৰান্ধনিৰ ভূমিকা ল’ব? কেনেকুৱা লাগিব ৰবটে ৰন্ধা খাদ্য ভক্ষণ কৰি?
তেনে এটা পদক্ষেপেই লৈছে ক্ৰ’ৱেচিয়াৰ এখন ৰেষ্টুৰেণ্টত। তাত ৰবট চেফে প্ৰায় ৭০ ধৰণৰ খাদ্য প্ৰস্তুত কৰি আছে। ৰেষ্টুৰেণ্টখনৰ মালিকগৰাকীৰ মতে, ক্ৰ’ৱেছিয়াৰ ৰাজধানী জাগ্ৰেব চহৰৰ 'ব’টছ এণ্ড পটছ’ হৈছে বিশ্বৰ একমাত্ৰ ৰেষ্টুৰেণ্ট- য’ত ৰবটিক কুকাৰত তৈয়াৰী পাত্ৰৰ খাদ্য পৰিবেশন কৰে।
ৰেষ্টুৰেণ্টখনে দাবী কৰিছে যে পাত্ৰত সতেজ শাক-পাচলি আৰু মছলা যোগান ধৰাৰ বাহিৰে খাদ্য প্ৰস্তুত কৰাত মানুহৰ কোনো সহায়ৰ প্ৰয়োজন নাই। পিজ্জা আৰু বাৰ্গাৰ তৈয়াৰ কৰে ৰবটে।
ৰেষ্টুৰেণ্টৰ মালিকজনে জনোৱা মতে এই গোটেই ধাৰণাটো কাৰ্যকৰী কৰি ৰেষ্টুৰেণ্টখন খুলিবলৈ প্ৰায় ৭ বছৰ সময় লাগিছিল। এই ৰেষ্টুৰেণ্টখন যোৱা বছৰ মুকলি হৈছিল। ৰেষ্টুৰেণ্টখন নিৰ্মাণ কৰিবলৈ প্ৰায় ১০ লাখ ইউৰো (ভাৰতীয় মুদ্ৰাত প্ৰায় ৮৮ লাখ টকা) খৰচ হৈছিল।
ৰেষ্টুৰেণ্টখনৰ মালিকে কেৱল ফাষ্ট ফুড বনোৱাতেই নহয়, সুস্বাদু খাদ্য বনোৱাতো গুৰুত্ব দিছে। ৰেষ্টুৰেণ্টৰ ৰবটে ডিজিটেল মাধ্যমৰ জৰিয়তে ৰেষ্টুৰেণ্ট চেফসকলৰ পৰা প্ৰশিক্ষণ লাভ কৰিছে। ৰেষ্টুৰেণ্ট কৰ্তৃপক্ষৰ মতে, ১ ঘণ্টাত ১০০ টা সুস্বাদু পাত্ৰৰ আহাৰ তৈয়াৰ কৰি আছে এই ৰবটবোৰে।
Continue Reading
