ডিজিটেল ডেস্কঃ দ্বিতীয়টো সন্তানৰ পিতৃ হ’ল ক্ৰিকেটাৰ যুৱৰাজ সিং। এটি কন্যা সন্তান জন্ম দি এতিয়া আনন্দিত হৈ পৰিছে যুৱৰাজৰ পত্নী হেজেল কিচ। সুখৰ এনে মুহূৰ্তত যুৱৰাজে তেওঁৰ অনুৰাগীসকলক সুখবৰটো জনাইছে। ইনষ্টাগ্ৰামত যুৱৰাজে দ্বিতীয়টো সন্তানৰ পিতৃ হোৱাৰ খবৰটো প্ৰকাশ কৰিছে।
এই সুখবৰটো পোৱাৰ পিছতে বহুতে দম্পতীহালক অভিনন্দন জনাইছে আৰু শুভকামনা জ্ঞাপন কৰিছে। যুৱৰাজ সিঙে ইনষ্টাগ্ৰামত লিখিছে , "আমি আমাৰ সৰু ৰাজকুমাৰী আউৰাক স্বাগতম জনোৱাৰ লগতে আমাৰ পৰিয়ালটোক সম্পূৰ্ণ কৰি তোলাৰ লগে লগে আমাৰ নিদ্ৰাহীন ৰাতিবোৰ বহুত আনন্দদায়ক হৈ পৰিছে।" তেওঁ তেওঁৰ কন্যা শিশুটিৰ এখন ফটোও শ্বেয়াৰ কৰিছে। আনহাতে হেজেল কিচক তেওঁলোকৰ পুত্ৰ অৰিয়ন কিচ সিঙৰ কাষত থকা দেখা গৈছে।
এই পোষ্টটো শ্বেয়াৰ কৰাৰ পিছত পাঁচ মিনিটৰ ভিতৰতে এক লাখতকৈও অধিক লোকে লাইক কৰিছে। শ্বেয়াৰটোৱে বহুতে শুভেচ্ছামূলক মন্তব্য কৰিছে। এজন ব্যক্তিয়ে লিখিছে, "অভিনন্দন! ধন্য হৈ থাকক!" আন এজনে লিখিছে : "ঈশ্বৰে আপোনাৰ পৰিয়ালটোক আশীৰ্ব্বাদ কৰক।" তৃতীয় এজনে লিখিছে "এয়া এক আনন্দদায়ক ঘটনা।"আন বহুতে হূদয়ৰ ইমোজি ব্যৱহাৰ কৰি পোষ্টটোত প্ৰতিক্ৰিয়া প্ৰকাশ কৰিছে।
Continue Reading
