ডিজিটেল ডেস্কঃ মঙলবাৰে হাংঝুৰ পিংফেং কেম্পাছ ক্ৰিকেট ফিল্ডত নেপালৰ বিৰুদ্ধে এছিয়ান গেমছ ২০২৩ৰ কোৱাৰ্টাৰ ফাইনেলত শতক অৰ্জন কৰে যশস্বী জয়ছৱাল। টি-২০ শতক অৰ্জন কৰা আটাইতকৈ কম বয়সীয়া ভাৰতীয় হিচাপে পৰিগণিত হয় তেওঁ।
২১ বছৰ বয়সত ৯ মাহ ১৩ দিন বয়সত জয়ছৱালে পূৰ্বে ২৩ বছৰ ১৪৬ দিনত নিউজিলেণ্ডৰ বিৰুদ্ধে শতক কৰা শুবমান গীলৰ অভিলেখ ভংগ কৰে।
জয়ছৱালে ৪৮টা ডেলিভাৰীৰ সমুখিন হৈ প্ৰথমবাৰৰ বাবে টি-২০ শতকত উপনীত হয়। এই ফৰ্মেটত ষষ্ঠখন খেলত অংশগ্ৰহণ কৰে তেওঁ।
গিল, বিৰাট কোহল, কে এল ৰাহুল, ৰোহিত শৰ্মা, সূৰ্যকুমাৰ যাদৱ, দীপক হুদা আৰু সুৰেশ ৰাইনাৰ পিছতে টি-২০ত শতক ৰেকৰ্ড কৰা মাত্ৰ অষ্টমজন ভাৰতীয় বেটছমেন হিচাপে পৰিগণিত হয় এই বাওঁহাতৰ বেটছমেনগৰাকী।
ইতিমধ্যে টেষ্টত শতক অৰ্জন কৰিছে জয়ছৱালে। ডমিনিকাত অনুষ্ঠিত প্ৰথমখন টেষ্টত ৱেষ্ট ইণ্ডিজৰ বিৰুদ্ধে ১৭১ ৰান সংগ্ৰহ কৰে মুম্বাইৰ তৰুণজনে।
Continue Reading
