ডিজিটেল ডেস্কঃ বিশ্বকাপ খেলিবলৈ ভাৰতলৈ আহিছে পাকিস্তান। দলত আছে হাছান আলী। এই পাকিস্তানী পেচাৰৰ শহুৰেকৰ ঘৰ ভাৰতৰ হাৰিয়ানাত। জোঁৱাই ভাৰতলৈ অহাৰ লগে লগে শাহুৱেকে তেওঁক লগ কৰিবলৈ উদ্বাউল হৈ পৰিছে শাহু-শহুৰ। বোৱাৰীজনীৰ লগতে একমাত্ৰ নাতিনীয়েককো চাবলৈ আগ্ৰহী তেওঁলোক।
২০১৯ চনত হাৰিয়ানাৰ নুহ জিলাৰ অৱসৰপ্ৰাপ্ত চৰকাৰী কৰ্মচাৰী লিয়াকুৱাট খানৰ কন্যা ছামিয়াৰ সৈতে বিবাহপাশত আবদ্ধ হয় হাছানে। ডুবাইত অনুষ্ঠিত হয় এই বিবাহ অনুষ্ঠান। তেতিয়াৰ পৰাই পাকিস্তানত থাকে ছামিয়া। মাক ছোৱালীজনীক এবাৰহে লগ পাইছিল। কিন্তু দেউতাক সেই দেশলৈ যাব পৰা নাছিল। লিয়াকুৱেটে ইমান দিনৰ মূৰতহে কন্যা, জোঁৱাই, নাতিনীয়েকক দেখা পাব।
১৪ অক্টোবৰত আহমেদাবাদত ভাৰতৰ বিৰুদ্ধে খেলিব পাকিস্তান। তাতেই লগ হ’ব দুয়ো। লিয়াকুৱেটে কয়- ''২০২১ চনত মোৰ জীয়ৰীয়ে এগৰাকী কন্যা সন্তান জন্ম দিয়াৰ সময়ত মোৰ স্ত্ৰী তালৈ গৈছিল। কিন্তু মই যাব নোৱাৰিলোঁ। ৪ বছৰে তাইক দেখা নাই। প্ৰথমবাৰৰ বাবে নাতিনীক দেখা পাম। আশাকৰোঁ আহমেদাবাদত তেওঁলোকক লগ পোৱাত কোনো সমস্যা নহ'ব।’’
কন্যাই পাকিস্তানী ক্ৰিকেটাৰক বিয়া কৰাক লৈ লিয়াকোৱাটৰ কোনো আক্ষেপ নাই। চৌপাশৰ মানুহে কি ক’ব তাক লৈ তেওঁ একো গুৰুত্ব নিদিলে। লিয়াকোৱাটে ক'লে, "মোৰ ছোৱালী শিক্ষিত। তেওঁ নিজক ভালকৈ জানে। মোৰ ছোৱালী সুখী হ’লে আমি সুখী হওঁ। পাকিস্তানত আমাৰ বহু আত্মীয় আছে। হাছান বৰ ভাল ল'ৰা। আমি সুখী।''
অৱশ্যে লিয়াকুৱাটে খেলখনত ভাৰতকে সমৰ্থন কৰিব। কয়- ‘মই সুনীল গাভাস্কাৰ, কপিল দেৱ, শচীন তেণ্ডুলকাৰ, মহম্মদ আজহাৰুদ্দিনৰ খেল দেখিছোঁ। কিন্তু মোৰ প্ৰিয় ক্ৰিকেটাৰ বিৰাট কোহলী।’’
Continue Reading
