ডিজিটেল ডেস্কঃ আশা কৰা ধৰণেই অসম কন্যা লাভলীনা বৰগোঁহাইয়ে চীনত অনুষ্ঠিত হৈ থকা এছিয়ান গেমছত পদক নিশ্চিত কৰিবলৈ সক্ষম হ’ল। মহিলাৰ ৭৫ কিলোগ্ৰাম বক্সিং কোৱাৰ্টাৰ ফাইনেলত লাভলীনা বৰগোহাঁইয়ে দক্ষিণ কোৰিয়াৰ চুয়ন চেয়ংক ৫:০ ব্যৱধানত পৰাস্ত কৰি মহিলাৰ ৭৫ কিলোগ্ৰাম ইভেণ্টৰ ছেমিফাইনেলত স্থান দখল কৰিবলৈ সক্ষম হৈছে।
এনে জয়ৰ জড়িয়তে লাভলীনাই ভাৰতৰ বাবে এটা পদকো নিশ্চিত কৰিলে। উল্লেখ্য লাভলীনাই এইবেলি চীনত অনুষ্ঠিত হোৱা এছিয়ান গেমছৰ উদ্বোধনী অনুষ্ঠানত লাভলীনাই ভাৰতৰ জাতীয় পতাকা কঢ়িয়াই নিয়াৰ সৌভাগ্য লভিছিল। উল্লেখ্য লাভলীনাই প্ৰথম বাৰৰ বাবে ২০১৮ চনত ভাৰতক AIBA মহিলা বক্সিং বিশ্ব চেম্পিয়নশ্বিপত প্ৰতিনিধিত্ব কৰিছিল।
সেই প্ৰতিযোগিতাত লাভলীনাই মহিলাৰ ৬৯ কিলোগ্ৰাম শাখাত ব্ৰঞ্জৰ পদক লাভ কৰিছিল।২০২০ চনৰ মাৰ্চ মাহত লাভলীনাই উজবেকিস্তানৰ মফতুনাখন মেলিভাক ৫-০ ব্যৱধানত পৰাস্ত কৰি টকিঅ অলিম্পিকৰ বাবে নিৰ্বাচিত হৈছিল আৰু টকিঅ' অলিম্পিকৰ ৬৯ কিলোগ্ৰাম ছেমিফাইনেল তুৰ্কীৰ বিশ্ব চেম্পিয়ন বুচেনাজ সুৰমেনেলিৰ হাতত পৰাজিত হৈ ব্ৰঞ্জৰ পদক লাভ কৰিছিল।
ইপিনে শনিবাৰে ভাৰতৰ প্ৰীতি পাৱাৰে কাজাখস্তানৰ ঝাইনা শ্বেকাৰবেকোভাক ৪:১ পয়েণ্টত পৰাস্ত কৰি মহিলা বক্সিঙৰ ৫৪ কিলোগ্ৰামৰ শাখাৰ ছেমিফাইনেলত স্থান নিশ্চিত কৰে।এই জয়ৰ জড়িয়তে ১৯ বছৰীয়া পাৱাৰৰো পেৰিছ যাত্ৰা পথ সুগম হ’ল।
Continue Reading
