ডিজিটেল ডেস্কঃ বেগৰ পৰা ওলাল ১০ ডালকৈ পৃথিৱীৰ বৃহত্তম সৰীসৃপ আনাকোণ্ডাৰ পোৱালি ! বিমানবন্দৰৰ কৰ্মচাৰীসকলে এজন যাত্ৰীৰ বেগত তালাচী চলোৱাৰ সময়তে ওলাই পৰে ১০ ডালকৈ আনাকোণ্ডা। এক্স-ৰে মেচিনৰ স্ক্ৰীণত সাপ কেইডাল দেখি আচৰিত হৈ পৰে বাংগালুৰু বিমান বন্দৰৰ কৰ্মীসকল। বেগটোৰ ভিতৰত সাপ কেইডালে কিলবিলাই আছিল। এয়া কোনো সাধাৰণ কোনো সাপ নহয়, এয়া পৃথিৱীৰ অন্যতম বৃহৎ সৰীসৃপ আনাকোণ্ডা বাংগালুৰু বিমানবন্দৰত যাত্ৰীৰ বেগৰ পৰা এনেদৰে আনাকোণ্ডা উদ্ধাৰ হোৱাৰ ঘটনাই বহুতকে আচৰিত কৰি তুলিছে।
অভিযুক্ত লোক জনক গ্ৰেপ্তাৰ কৰা হৈছে। আৰক্ষীয়ে ঘটনাটোৰ তদন্ত আৰম্ভ কৰিছে।যাত্ৰীজনে বেংককৰ পৰা বাংগালুৰুলৈ আহিছিল । নিয়ম অনুসৰি তালাচী চলোৱাৰ সময়তে যাত্ৰী জনৰ বেগত সাপ ওলাই পৰে। বাংগালুৰুৰ শুল্ক বিভাগে এক্স হেণ্ডেলত কৈছে "অভিযুক্ত যাত্ৰীজনক গ্ৰেপ্তাৰ কৰা হৈছে," । আইন অনুসৰি, বন্যপ্ৰাণী সৰবৰাহ ভাৰতত এক অপৰাধ।
পাৰাগুৱে, বলিভিয়া, ব্ৰাজিল, উত্তৰ-পূব আৰ্জেণ্টিনা আৰু উত্তৰ উৰুগুৱেৰ নদীৰ পাৰত হালধীয়া আণ্ডাকোণ্ডা পোৱা যায়। এই ধৰণৰ সাপ সাধাৰণতে জলাশয়ৰ ওচৰৰ এলেকাত বাস কৰে। ভাৰতীয় সংবিধানৰ দ্বাৰা বন্য জন্তুৰ বিক্ৰী আৰু সৰবৰাহ নিষিদ্ধ কৰা হৈছে । যোৱা বছৰ বাংগালুৰু বিমানবন্দৰৰ শুল্ক বিষয়াসকলে কেংগাৰু ২৩৪ টা বন্য জন্তু উদ্ধাৰ কৰিছিলষ সেইবোৰ এজন যাত্ৰীয়ে বেংককৰ পৰা চোৰাংকৈ আনিছিল।
Continue Reading
