ডিজিটেল ডেস্কঃ কেন্দ্ৰীয় লোকসেৱা আয়োগে প্ৰকাশ কৰিলে অসামৰিক সেৱা পৰীক্ষা (UPSC CSE 2022)ৰ চূড়ান্ত ফলাফল। এই পৰীক্ষাত চি এছ ই ২০২২ত শীৰ্ষস্থান দখল কৰিছে ঈশিতা কিশোৰে। একে সময়তে গৰিমা লোহিয়াই দ্বিতীয় স্থানত থকাৰ বিপৰীতে তৃতীয় স্থানত আছে উমা হাৰাথি এন চতুৰ্থ স্থান দখল কৰিছে স্মৃতি মিশ্ৰ আৰু পঞ্চম স্থান লাভ কৰিছে ময়ূৰ হাজৰিকাই। এই ফলাফল ইউ পি এছ চিৰ অফিচিয়েল ৱেবছাইট www.upsc.gov.in ত উপলব্ধ৷
UPSC CSE 2022 ট’পাৰ ঈশিতা কিশোৰ শ্ৰী ৰাম কলেজ অৱ কমাৰ্চৰ পৰা অৰ্থনীতি বিষয়ত স্নাতক। তেওঁৰ কলেজৰ মেধাৱী ছাত্ৰ-ছাত্ৰীৰ ভিতৰত তেওঁক গণ্য কৰা হৈছিল। নিজৰ নিষ্ঠা আৰু কঠোৰ পৰিশ্ৰমেৰে ঈশিতাই কেৱল পৰিয়াললৈ কৃতিত্ব কঢ়িয়াই অনাই নহয়, কলেজলৈও কৃতিত্ব বহন কৰিছে।
এইবাৰ UPSC CSE 2022 পৰীক্ষাত ছোৱালীয়ে ল’ৰাৰ তুলনাত জয়যাত্ৰা অধিক বজাই ৰাখিছে। এইবাৰ শীৰ্ষ ৫ ৰ ভিতৰত আছে চাৰিগৰাকী ছোৱালী। ইয়াৰ ভিতৰত ঈশিতা কিশোৰে শীৰ্ষস্থান দখল কৰাৰ লগতে গৰিমা লোহিয়া দ্বিতীয় স্থানত আছে, তৃতীয় স্থানত উমা হাৰাথি এন আৰু চতুৰ্থ স্থানত আছে স্মৃতি মিশ্ৰ৷ আৰু পঞ্চম স্থানত আছে অসম সন্তান ময়ূৰ হাজৰিকা৷
Continue Reading
