ডিজিটেল ডেস্ক: ভুল খাদ্যৰ বাবে ডায়েবেটিছ ৰোগে সকলো বয়সৰ লোকক নিজৰ কবলত লৈছে। ভুল জীৱনশৈলীয়ে টাইপ ২ ডায়েবেটিছ, উচ্চ কলেষ্টেৰল, উচ্চ ৰক্তচাপকে ধৰি হৃদৰোগত ভোজৰ লগতে শৰীৰৰ সামগ্ৰিক স্বাস্থ্যত প্ৰভাৱ পেলায়। যদি আমি ভাল খাদ্য গ্ৰহণ কৰি শাৰীৰিক কাৰ্যকলাপ কৰো তেন্তে এই ৰোগৰ পৰা হাত সাৰিব পাৰি।
ডায়েবেটিছ ভাৰতৰ অন্যতম সাধাৰণ ৰোগত পৰিণত হৈছে। পৰিসংখ্যা অনুসৰি দেশত প্ৰায় ৭.৭ কোটি লোক এই ৰোগত আক্ৰান্ত হৈ আছে আৰু এই সংখ্যা ক্ৰমাগতভাৱে বৃদ্ধি পাইছে। টাইপ ১ ডায়েবেটিছ জেনেটিক যিটো আপুনি আপোনাৰ পৰিয়ালৰ পৰা পাব পাৰে কিন্তু টাইপ ২ ডায়েবেটিছ মানুহৰ ভুল খাদ্যাভ্যাস আৰু জীৱন-যাপনৰ অভ্যাসৰ বাবে হয় যিটো নিয়ন্ত্ৰণ কৰিব পাৰি।
যিকোনো ৰোগৰ পৰা হাত সাৰিবলৈ ইয়াৰ কাৰণসমূহ জনাটো অতি প্ৰয়োজনীয়। যদি আপুনিও ডায়েবেটিছৰ পৰা আঁতৰি থাকিব বিচাৰে। গতিকে এইবোৰ কাৰকবোৰ ভালদৰে জানি লওক আৰু আজিৰ পৰাই এইবোৰ এৰি যোৱাৰ সিদ্ধান্ত লওক।
১/ আৰামদায়ক জীৱনশৈলী
জিৰণি ল’বলৈ কোনে ভাল নাপায়? কিন্তু দীৰ্ঘকালীনভাৱে লোৱা আৰাম এটা শাস্তি হৈ পৰিব পাৰে আৰু স্বাস্থ্যৰ ওপৰত অতি বেয়া প্ৰভাৱ পেলাব পাৰে। বহু সময় বহি বা শুই থাকিলে আৰু কোনো ধৰণৰ শাৰীৰিক ক্ৰিয়া-কলাপ নকৰাৰ ফলত হৃদযন্ত্ৰ, হাওঁফাওঁত বেয়া প্ৰভাৱ পৰে। অধ্যয়নত দেখা গৈছে যে গোটেই দিনটো বহি বা শুই থকা লোকৰ টাইপ ২ ডায়েবেটিছ হোৱাৰ সম্ভাৱনা বেছি।
২/ উচ্চ কেলৰিযুক্ত খাদ্য
অধিক কেলৰি সেৱন কৰিলে ওজন বৃদ্ধি পায়। আৰু টাইপ ২ ডায়েবেটিছ হোৱাৰ আশংকাও আছে। এজন ব্যক্তিয়ে দিনটোত যিমান পৰিমাণৰ কেলৰি সেৱন কৰে সিমান পৰিমাণৰ কেলৰি খোৱা উচিত। যদি কোনো ব্যক্তিয়ে এনে কাম কৰে য’ত শাৰীৰিক ক্ৰিয়া-কলাপ বেছি নহয়, তেন্তে তেওঁ কম কেলৰিযুক্ত খাদ্য গ্ৰহণ কৰা উচিত।
৩/ ব্যায়াম নকৰা
ব্যায়ামে শৰীৰৰ শ্বাস-প্ৰশ্বাস তন্ত্ৰক সুস্থ কৰি ৰাখে, কিন্তু যদি আপোনাৰ পৰিয়ালত ডায়েবেটিছ ৰোগত আক্ৰান্ত লোক আছে, তেন্তে ব্যায়ামে ইয়াৰ সম্ভাৱনা হ্ৰাস কৰিব পাৰে। এনে লোকৰ ক্ষেত্ৰত ডায়েবেটিছৰ লক্ষণসমূহ পলমকৈ আৰম্ভ হোৱাই নহয়, ই ৰোগীৰ চুগাৰৰমাত্ৰা বজাই ৰখাতো সহায় কৰে। সেইবাবেই সকলোৱে কমেও ১৫০ মিনিট বা সপ্তাহত পাঁচ দিন ৱৰ্কআউট কৰাতো সচাকৈয়ে প্ৰয়োজনীয়।
৪/ মদ্যপান আৰু ধূমপান
অত্যধিক ধূমপান আৰু মদ্যপানৰ সৈতে হৃদৰোগ, উচ্চ কলেষ্টেৰল, উচ্চ ৰক্তচাপ আৰু ডায়েবেটিছ আদিৰ প্ৰত্যক্ষ সম্পৰ্ক আছে। ধূমপানে ৰক্তবাহী নলীত প্ৰভাৱ পেলায় আৰু ধমনীসমূহ সংকুচিত কৰে, যাৰ ফলত হাৰ্ট এটেকৰ সম্ভাৱনা বৃদ্ধি পায় আৰু লগতে ডায়েবেটিছ হোৱাৰ সম্ভাৱনাও বৃদ্ধি পায়।
৫/ পুষ্টিৰ অভাৱ
বহু গৱেষণাৰ পৰা দেখা গৈছে যে সেউজীয়া পাতযুক্ত, আৰু সাগৰীয় খাদ্যই ডায়েবেটিছৰ আৰম্ভণি ৰোধ কৰিব পাৰে। লগতে দীৰ্ঘদিন ধৰি ভিটামিন ডিৰ অভাৱত থাকিলে ডায়েবেটিছ হোৱাৰ সম্ভাৱনাও বৃদ্ধি পায়। প্ৰটিন, ফাইবাৰ, প্ৰয়োজনীয় চৰ্বি আৰু কাৰ্বহাইড্ৰেটেৰে গঠিত স্বাস্থ্যসন্মত খাদ্যই শৰীৰত তেজৰ চুগাৰৰ মাত্ৰা আৰু ইনচুলিনৰ মাত্ৰা নিয়ন্ত্ৰণ কৰাত সহায়ক হয়।
৬/ মেদবহুলতা
যকৃত আৰু শৰীৰৰ অভ্যন্তৰীণ অংগসমূহত জমা হোৱা চৰ্বিক ভিচেৰেল ফেট বোলা হয়, যিটো ইনচুলিন ৰেজিষ্টেন্সৰ সৈতে সম্পৰ্কিত বুলি প্ৰমাণিত হৈছে। ইয়াৰ ফলত ব্যক্তিজনৰ ওজন বৃদ্ধি হ’বলৈ আৰম্ভ কৰে, যাৰ ফলত ভৱিষ্যতে ডায়েবেটিছ হোৱাৰ সম্ভাৱনা থাকে। একে সময়তে লোয়াৰ বডি ইনডেক্স থকা লোকৰ ৰিস্ক কম।
৭/ মানসিক চাপ
মানসিক চাপে শৰীৰ আৰু মগজু উভয়ৰে কাম-কাজত ব্যাঘাত জন্মায়, যাৰ ফলত মেদবহুলতা, ইনচুলিন প্ৰতিৰোধ ক্ষমতা আৰু ডায়েবেটিছ হোৱাৰ সম্ভাৱনা বৃদ্ধি পায়। টোপনিৰ অভাৱেও এই সমস্যা বৃদ্ধি কৰিব পাৰে, গতিকে ব্যায়াম, ধ্যান আৰু পুষ্টিকৰ খাদ্য সেৱনৰ লগতে মানুহে মানসিক চাপৰ পৰা আঁতৰি থাকিব লাগে।
Continue Reading
