ডিজিটেল ডেস্ক: অটিটি প্লেটফৰ্মত জনপ্ৰিয়তা অৰ্জন কৰা ৱেব ছিৰিজ মিৰ্জাপুৰ নতুন ৰূপত আহি আছে দৰ্শকৰ মাজলৈ।‘মিৰ্জাপুৰ ছিজন ৩’ৰ পাছত ডাঙৰ পৰ্দাত মুক্তি দিয়াৰ কথা ঘোষণা কৰিছে নিৰ্মাতাসকলে। শেহতীয়াকৈ ফাৰহান আখতাৰে এক ভিডিঅ’ বাৰ্তাৰ জৰিয়তে অনুৰাগীসকলক এই সুখবৰ প্ৰদান কৰে। এই ভিডিঅ’ বাৰ্তাত একেলগে দেখা যায় ধাৰাবাহিক খনৰ কালিন ভাইয়া, মুন্না ভাইয়া আৰু গুড্ডু পণ্ডিতক।
মিৰ্জাপুৰ ৱেব ছিৰিজ খনৰ প্ৰথম দুটা ছিজনে জনসাধাৰণৰ পৰা যিদৰে সঁহাৰি লাভ কৰিবলৈ সক্ষম হৈছিল তৃতীয়টো ছিজনত প্ৰথম দুটা ছিজনৰ দৰে সঁহাৰি লাভ কৰা নাছিল।ৱেব ছিৰিজ খনত কৰা পৰিৱৰ্তনৰ বাবে দৰ্শকৰ সঁহাৰি কমিয়োৱা বুলি ক’ব পাৰি, যিটো দৰ্শকে আশা কৰা নাছিল। এনে পৰিস্থিতিত নিৰ্মাতাসকলে জনসাধাৰণৰ মান ৰাখিবলৈ এটা খণ্ড দৰ্শকলৈ আগবঢ়াইছিল যদিও দৰ্শকৰ হৃদয় জয় কৰিবলৈ সক্ষম নহ’ল। এতিয়া মিৰ্জাপুৰ ৱেব ছিৰিজ ছবিৰ ৰূপত ছবিগৃহত মুক্তি দিয়া হ’ব। ছবিখনে ২০২৬ চনত মুক্তি পাব বুলি নিৰ্মাতা সকলে সদৰি কৰিছে৷
২০২৬ত মুক্তি পাব লগীয়া ‘MIRZAPUR THE FILM’ ৰ মুখ্য চৰিত্ৰ, কালিন ভাইয়াৰ চৰিত্ৰত পংকজ ত্ৰিপাঠী, গুড্ডু পণ্ডিতৰ চৰিত্ৰত আলী ফাজল, আৰু মুন্না ত্ৰিপাঠীৰ চৰিত্ৰত দিব্যেণ্ডুকে ধৰি অভিষেক বেনাৰ্জীযকো কম্পাউণ্ডাৰৰ চৰিত্ৰত দেখা পোৱা যাব৷
আমাজন এম জি এম ষ্টুডিঅ’ আৰু এক্সেল এণ্টাৰটেইনমেণ্টে ‘মিৰ্জাপুৰ’ ছবিগৃহত মুক্তি দিবৰ বাবে সাজো হৈ উঠিছে৷নিৰ্মাতা সকলে দৰ্শকৰ সঁহাৰি লাভকৰিবলৈ সক্ষম হ’ব বুলি আশা প্ৰকাশ কৰিছে৷
Continue Reading
