এইবাৰ ফিল্মফেয়াৰৰ বিৰূদ্ধে গোচৰ ৰুজু কৰিব কংগনা ৰানাউটে, কাৰণটো জানি আপুনিও আচৰিত হ’ব...

ডিজিটেল ডেস্ক : সততেই বিতৰ্কত সোমাই পৰে বলীউডৰ জনপ্ৰিয় অভিনেত্ৰী কংগনা ৰানাউট। যিকোনো বিষয়ৰ ওপৰত মন্তব্য কৰি বিভিন্ন সময়ত কেইবাবাৰো সমস্যাৰ মাজত সোমাই পৰিছে অভিনেত্ৰীগৰাকী। অৱশ্যে অভিনয় দক্ষতাৰে বহুবাৰ দশকৰ মন মোহিবলৈ সক্ষম হৈছে কংগনা। লাভ কৰিছে কেইবাটাও বঁটা।

পিছে এইবাৰ ফিল্মফেয়াৰৰ বিৰুদ্ধে গৰজি উঠিছে অভিনেত্ৰী কংগনা ৰানাউট। কেৱল গৰজি উঠাই নহয়, ফিল্মফেয়াৰৰ বিৰুদ্ধে গোচৰো ৰুজু কৰিব অভিনেত্ৰীগৰাকীয়ে। তাৰ আঁৰতো আছে এক অদ্ভুত কাৰণ। কাৰণটো জানিলে আপোনাৰো চকু কপালত উঠিব।

অভিনেত্ৰীগৰাকীয়ে নিজৰ ইণ্টাগ্ৰামৰ ষ্টৰীত ইয়াৰ কাৰণ উল্লেখ কৰিছে। কংগনাৰ মতে, তেওঁ ২০১৪ চনতেই ফিল্মফেয়াৰক নিষিদ্ধ কৰিছে। কিন্তু এই বৰ্ষৰ ফিল্মফেয়াৰত তেওঁক শ্ৰেষ্ঠ অভিনেত্ৰীৰ শিতানৰ বাবে নমিনেট কৰিছে ফিল্মফেয়াৰে। ‘থলাইবী’ ছবিখনৰ বাবে কংগনাক কৰা হৈছে নমিনেট। এই কথা সহজভাৱে লব পৰা অভিনেত্ৰীগৰাকীয়ে। লগতে তেওঁ লিখে, বঁটাপ্ৰদান কাৰ্যসূচী উপস্থিত থাকিবৰ বাবে ফিল্মফেয়াৰৰ তৰফৰ পৰা তেওঁক বহুবাৰ ফোন কৰিছে। কিন্তু অভিনেত্ৰীগৰাকীৰ মতে তেওঁ ফিল্মফেয়াৰলৈ গ’লে নৈতিকতাৰ বিৰুদ্ধে যোৱাৰ দৰে হ’ব আৰু তেওঁৰ গৰিমা ম্লান পৰিব। যাৰবাবে ফিল্মফেয়াৰৰ বিৰুদ্ধে গোচৰ তৰাৰ সিদ্ধান্ত লৈছে অভিনেত্ৰীগৰাকীয়ে। কুইন কংগনাৰ এই সিদ্ধান্তই এতিয়া আচৰিত কৰি তুলিছে সকলোকে।