ডিজিটেল ডেস্কঃ 'এভিডেন্স ইন মিলেটছ' শীৰ্ষক এটা বিশেষ গীত। বিশ্বৰ পৰা ক্ষুধা দূৰ কৰাৰ ক্ষেত্ৰত বাজৰাৰ গুণগত মানক প্ৰচাৰ কৰাটোৱেই হৈছে 'এভিডেন্স ইন মিলেটছ' শীৰ্ষক বিশেষ গীতটোৰ উদ্দেশ্য। এই গীতটোৰ আঁৰত আছে প্ৰধানমন্ত্ৰী নৰেন্দ্ৰ মোদীৰ উৎসাহ আৰু গ্ৰেমী বঁটা বিজয়ী ভাৰতীয়-আমেৰিকান গায়ক ফালু ওৰফে ফাল্গুনি, শিল্পী গৌৰৱ শ্বাহ।
প্ৰধানমন্ত্ৰী নৰেন্দ্ৰ মোদীৰ উৎসাহত ফাল্গুনি ৰচনা কৰা "এভিডেন্স ইন মিলেটছ" শীৰ্ষক গীতটি গ্ৰেমীৰ বাবে মনোনীত হৈছে। গীতটি শ্ৰেষ্ঠ গোলকীয় সংগীত প্ৰদৰ্শনৰ শিতানত মনোনীত হৈছে। প্ৰধানমন্ত্ৰী মোদীকো এই গীতটোৰ ভিডিঅ'ত দেখা গৈছে। গ্ৰেমী বঁটা বিজয়ী গায়িকা ফালুৱে এক সাক্ষাৎকাৰত কয় যে গ্ৰেমী জিকাৰ পিছত নৰেন্দ্ৰ মোদীক লগ পোৱাৰ সময়তে তেওঁ বাজৰাৰ বিষয়ে এটা গান লিখাৰ কথা ভাবিছিল। তেতিয়াই প্ৰধানমন্ত্ৰীয়ে সামাজিক পৰিৱৰ্তন আৰু মানৱতাৰ উন্নতিত সংগীতৰ অৱদানৰ বিষয়ে কৈছিল।
মোদীয়েই শিল্পীগৰাকীক ভোক দূৰ কৰাৰ ক্ষেত্ৰত বাজৰাৰ ভূমিকাৰ বিষয়ে গানটো লিখিবলৈ পৰামৰ্শ দিছিল। মোদীয়ে সেই সময়ত কৈছিল যে ভাৰতে বাজৰাক প্ৰচাৰ কৰিব বিচাৰিছে, কিয়নো ই এক চুপাৰ ফুড আৰু ইয়াৰ যথেষ্ট স্বাস্থ্য তথা পুষ্টিগত মূল্য আছে।এক সাক্ষাৎকাৰত ফাল্গুনী শ্বাহে মোদীৰ বিষয়ে কয়, "গানটোৰ মাজতে, আপুনি তেওঁৰ (মোদী) ভাষণ শুনিব। যিকোনো শিল্পীৰ বাবে এয়া এটা ভাল সুযোগ। '
Continue Reading
