ডিজিটেল ডেস্কঃ বিতৰ্কই লগ নেৰা বলীউডৰ অভিনেত্ৰী ৰাখী সাৱন্ত। এইবাৰ তেওঁ পুনৰ সোমাই পৰিছে এক নতুন বিতৰ্কত। ৰাখীয়ে বহুবাৰ তেওঁৰ উদ্ভট আচৰণৰ বাবে বাতৰিৰ শিৰোনামলৈ আহিছে। এইবাৰ এটা ভিডিঅ'ৰ বাবে সমস্যাত পৰিছে ৰাখী। তেওঁ প্ৰধানমন্ত্ৰী নৰেন্দ্ৰ মোদীক সম্বোধন কৰি এটা ভিডিঅ' প্ৰস্তুত কৰিছে, যিটো ভিডিঅ’ এতিয়া ভাইৰেল হৈ পৰিছে।
ভিডিঅ’টোৰ বাবেই উত্তৰ প্ৰদেশৰ মিৰাটত তেওঁৰ বিৰুদ্ধে অভিযোগ দাখিল কৰা হৈছে। গোটেই বিষয়টো কি সেয়া জানো আহক? বলীউডৰ অভিনেত্ৰী ৰাখী সাৱন্তৰ এটা ভিডিঅ' পোহৰলৈ আহিছে, য'ত তেওঁ প্ৰধানমন্ত্ৰী মোদীক যোগ শিকোৱাৰ ইচ্ছাৰ কথা প্ৰকাশ কৰিছে। একে সময়তে, তেওঁ ভিডিঅ’টোত কেতবোৰ অদ্ভুত ভংগীমাত ব্যায়ামো কৰি দেখুৱাইছে। অভিযোগকাৰীয়ে অভিযোগ কৰিছে যে ৰাখী সাৱন্তে প্ৰধানমন্ত্ৰী নৰেন্দ্ৰ মোদীৰ বাবে এনে আশালীন ভিডিঅ’ প্ৰস্তুত কৰিব নালাগিছিল। অৱশ্যে এই ভিডিঅ'টো পুৰণি ভিডিঅ’ বুলি বহুতে কৈছে।
ৰাখী সাৱন্তে ভিডিঅ'টোত কৈছে, "মোদীজী, আপুনি মোক আপোনাৰ যোগ শিক্ষক কৰি ৰাখক। মই আপোনাক ভাল যোগ কৰিবলৈ শিকাম।’’ একে সময়তে তেওঁ পেটৰপ্ৰসংগ উল্লেখ কৰি কিছুমান ব্যায়াম কৰি দেখুৱাইছে। অভিযোগকাৰী গোবিন্দপুৰ শকৰপুৰ মহলৱালাৰ বাসিন্দা হৰেন্দ্ৰ পুত্ৰ মানসিঙে কয়, "ৰাখী সাৱন্তে ভিডিঅ'টোৰ জৰিয়তে প্ৰধানমন্ত্ৰী নৰেন্দ্ৰ মোদীক অপমান কৰিছে।’’ অভিযোগ দাখিলৰ পিছত মিৰাট আৰক্ষীয়ে বিষয়টো সন্দৰ্ভত তদন্ত আৰম্ভ কৰিছে।
ভিডিঅ'টো চাইবাৰ দলৰ দ্বাৰা পৰীক্ষা কৰোৱা হৈছে। ভিডিঅ'টো বলীউড বিছ নামৰ এটা ফেচবুক একাউণ্টৰ জৰিয়তে প্ৰচাৰ কৰা হৈছে। এই ২০ ছেকেণ্ডৰ ৰিলৰ ফৰেনচিক পৰীক্ষাও কৰা হ'ব। মিৰাট চাইবাৰ পুলিচে ইএছ.এছ.পি.-ৰ ওচৰত প্ৰতিবেদন দাখিল কৰিছে। এতিয়া এই বিষয়ক গোচৰটো মিৰাটৰ খাৰখোড়া আৰক্ষী থানাত চলিব বুলি অভিযোগকাৰীয়ে জানিবলৈ দিছে। ভিডিঅ’টোৰ সত্য-সত্যতা অৱশ্যে প্ৰাগ নিউজ ডিজিটেলে পৰীক্ষা কৰি চোৱা নাই।
Continue Reading
