ডিজিটেল ডেস্কঃ প্ৰেমৰ বাবেই শেহতীয়াকৈ বহু মহিলাই সীমান্ত পাৰ হৈ গৈছে। এইবাৰ মহিলা নহয়, পুৰুষে প্ৰেমৰ বাবে সীমান্ত পাৰ হ’বলগীয়া হ’ল। অৱশ্যে এইবাৰ ঘটনাটো অলপ বেলেগ। প্ৰেমিকাৰ স্বামীৰ খেদা খাইহে বিএছএফৰ জোৱান জনে সীমান্ত পাৰ হৈ বাংলাদেশ পালেগৈ।
বিএছএফৰ জোৱান চনু কুমাৰ জেটপে (৩০) এগৰাকী বিবাহিতা মহিলাৰ সৈতে প্ৰেমৰ সম্পৰ্ক ৰক্ষা কৰি চলিছিল। বিবাহিতা প্ৰেমিকাক লগ কৰিবলৈ যোৱাৰ সময়তে অঘটনটো ঘটে। প্ৰেমিকাৰ স্বামীয়ে পূৰ্বৰে পৰা ঘটনাটোৰ বিষয়ে জানিছিল আৰু বিএছএফৰ জোৱান জন অহালৈ বাট চাই আছিল। প্ৰেমিকাৰ স্বামীয়ে বিএছএফৰ জোৱান জন অহাৰ খবৰ পোৱাৰ পিছতে তেওঁক খেদি যায় আৰু বিএছএফৰ জোৱান জনে দৌৰি দৌৰি বাংলাদেশত প্ৰৱেশ কৰে।
ঘটনাটো বাংলাদেশৰ উত্তৰ টাউনশ্বিপ জিলা কুৰিগ্ৰামৰ ভুৰুঙ্গামাৰী উপজিলাৰ সোনাহাট সীমান্ত অঞ্চলত সংঘটিত হৈছে। খবৰ অনুসৰি চনু কুমাৰ ৩১ বিএছএফ শিবিৰৰ এজন বেটেলিয়ন । শিবিৰৰ ওচৰৰ এখন গাঁৱৰ এগৰাকী বিবাহিতা মহিলাৰ সৈতে তেওঁৰ সম্পৰ্ক গঢ়ি উঠিছিল। চনুৱে নিশা তেওঁৰ প্ৰেমিকাক লগ কৰিবলৈ গাওঁলৈ গৈছিল। সেই সময়তে প্ৰেমিকাৰ স্বামীয়ে চনু কুমাৰ জেটপক আন লোকৰ সৈতে মিলি খেদা মাৰি যায়।।
বিএছএফৰ জোৱানসকলে প্ৰেমিকাৰ স্বামীৰ আক্ৰমণৰ পৰা ৰক্ষা পাবলৈ সীমান্ত পাৰ হৈ বাংলাদেশত প্ৰৱেশ কৰে। বাংলাদেশৰ মানুহে তেওঁক পুনৰ আটক কৰে আৰু বিজিবিক গতাই দিয়ে। কুৰিগ্ৰাম ২২ বিজিবিৰ চুবেদাৰ আফতাব উদ্দিনে প্ৰকাশ কৰা মতে বিএছএফৰ জোৱান জনে অবৈধভাৱে বাংলাদেশত প্ৰৱেশ কৰাৰ বাবে দুখ প্ৰকাশ কৰিছে আৰু তেওঁক নিশা প্ৰায় ১২.৩০ বজাত বিএছএফক গতাই দিয়া হৈছে।
Continue Reading
