ডিজিটেল ডেস্কঃ অশান্ত মণিপুৰলৈ পূৰ্বৰ নিৰ্ধাৰিত সময়সূচী অনুসৰি বিৰোধী মিত্ৰজোঁট ইণ্ডিয়াৰ প্ৰতিনিধি দলটোৱে শনিবাৰে পুৱা ৰাওনা হৈছে। ১৬ টা বিৰোধী দলৰ প্ৰায় ২০ জন প্ৰতিনিধিয়ে আজি দিল্লী বিমানবন্দৰৰ পৰা মণিপুৰলৈ ৰাওনা হয়। ইম্ফল পোৱাৰ পিছত তেওঁলোকে হেলিকপ্টাৰেৰে চুৰাচান্দপুৰলৈ যোৱাৰ কথা ।
তেওঁলোকে দেওবাৰে মণিপুৰৰ ৰাজ্যপাল অনাচুয়া ৱিকেকো সাক্ষাৎ কৰাৰ সম্ভাৱনা আছে।প্ৰতিনিধি দলটোৰ নেতৃত্ব দিছে কংগ্ৰেছৰ সংসদীয় নেতা অধীৰ ৰঞ্জন চৌধুৰীয়ে। ৰাজ্যসভাৰ প্ৰাক্তন সাংসদ সুস্মিতা দেৱ, আৰডিজেৰ মনোজ কুমাৰ, আপৰ সুশীল গুপ্তা, কংগ্ৰেছৰ গৌৰৱ গগৈ আৰু ডিএমকেৰ কানিমোঝিও ২০ জনীয়া প্ৰতিনিধিৰ দলটোত আছে।
(এয়া এটা ব্ৰেকিং নিউজহে। পৰৱৰ্তী সময়ত প্ৰাগ নিউজ ডিজিটেলৰ পঢ়ুৱৈ তথা দৰ্শকসকলক সবিশেষ খবৰ জনোৱাৰ আমাৰ প্ৰয়াস অব্যাহত থাকিব)।
Continue Reading
