এইবাৰ স্বাস্থ্য বিভাগে কঠোৰভাৱে মাস্ক নিপিন্ধিবলৈ সকিয়ালে এইসকল লোকক...

ডিজিটেল ডেস্কঃ দেশত এইবাৰ ক’ভিড মহামাৰীয়ে তীব্ৰ ৰূপ ধাৰণ কৰাৰ সময়তে দেশৰ স্বাস্থ্য মন্ত্ৰণালয়ে ক’ভিড সংক্ৰান্তত কেতবোৰ নতুন নিৰ্দেশনা জাৰি কৰিছে৷ এতিয়াৰ পৰা ১৮ বছৰতকৈ কম বয়সৰ লোকসকলৰ বাবে চিকিৎসকে এণ্টিভাইৰেল বা মনোক্ল'নেল এণ্টিবডী ব্যৱহাৰ কৰিব নোৱাৰিব, এতিয়াৰ পৰা ক’ভিডত আক্ৰান্ত ৰোগীয়ে ১৪ দিনৰ পৰিৱৰ্তে ১০ দিনৰ ভিতৰত চিকিৎসালয় বা ঘৰৰ বাহিৰলৈ ওলাব পাৰিব৷ স্বাস্থ্য মন্ত্ৰালয়ে লগতে কয় যে পাঁচ বছৰ বা তাতকৈ কম বয়সৰ শিশুৰ বাবে মাস্ক বাধ্যতামূলক নহয় আৰু এইবয়সৰ শিশুসকলক মাস্ক পৰিধান নকৰাবলৈ আহ্বান জনাইছে, অৱশ্যে এইবাৰ ৬-১১ বছৰ বয়সৰ লোকসকলে পিতৃ-মাতৃৰ পোনপটীয়া তত্বাৱধানত মাস্ক পৰিধাম কৰিব লাগিব৷ ১২ বছৰ বা তাতকৈ অধিক বয়সৰ সকলো লোকৰ বাবে মাস্ক বাধ্যতামূলক কৰিলে স্বাস্থ্য মন্ত্ৰণালয়ে৷ বিভিন্ন পৰীক্ষা-নিৰীক্ষাৰ অন্তত এইটো প্ৰায় নিশ্চিত হৈছে যে, অ’মিক্ৰন প্ৰকাৰৰ দ্বাৰা হোৱা ৰোগ কম গুৰুতৰ, অৱশ্যে ই দ্ৰুত গতিত সংক্ৰমণ হ’য়৷ সমগ্ৰ বিশ্বৰ লগতে দেশত এতিয়া ক’ভিড ১৯ য়ে সংহাৰী ৰূপ ধাৰণ কৰিছে৷ অৱশ্যে প্ৰতিষেধক উদ্ভাৱনৰ পাছত এই ভাইৰাছ কিছু পৰিমাণে নিয়ন্ত্ৰণত আহিছে যদিও এতিয়া পুনৰ ক’ভিড ১৯ য়ে গুৰতৰ ৰূপ ধাৰণ কৰিছে৷ প্ৰধানমন্ত্ৰীৰ প্ৰধান বৈজ্ঞানিক উপদেষ্টা ড০ কে ভি বিজয়ৰাঘৱনে কৰা মন্তব্য অনুসৰি “বৰ্তমান সময়ত ভয়াবহ ক’ভিড পৰিস্থিতিৰ পৰিপ্ৰেক্ষিতত তৃতীয় পৰ্যায়ৰ ক’ভিড ঢৌ অনিবাৰ্য। হয়তো, বৰ্ধিত হাৰত ক’ভিড সংক্ৰমণ বৃদ্ধি পোৱা দিশটোলৈ চাই দেশৰ চিকিৎসকমহলে আশংকা কৰিছে যে, হয়তো এয়াই ক’ভিডৰ তৃতীয় ঢৌ হ’ব পাৰে৷ উল্লেখ্য যে, বিশ্ব স্বাস্থ্য সংস্থাৰ মুৰব্বী টেড্ৰোছ অধানম ঘেব্ৰেয়েচাছ আশাবাদী যে ২০২২ বৰ্ষতে কোভিড-১৯ মহামাৰী সমগ্ৰ বিশ্বৰ পৰা নোহোৱা হ’ব৷ তেওঁ লগতে ক’য় আমি ক’ভিড-১৯ মহামাৰীয়ে ইয়াৰ তৃতীয় ঢৌ কঢ়িয়াই আনিব সেইটো নিশ্চিত আৰু ইয়াৰ প্ৰভাৱ বিশ্বৰ প্ৰতিখন ৰাষ্ট্ৰতে পৰিব৷ কিন্তু তৃতীয় ঢৌৰ পাছতে অৰ্থাৎ ২০২২ বৰ্ষতে সমগ্ৰ বিশ্বৰ পৰা ক’ভিড মহামাৰী নোহোৱা হ’ব-কিন্তু এয়া কেৱল তেতিয়াহে সম্ভৱ যদিহে আমি একেলগে কাম কৰো। কিন্তু তাৰ বাবে বিশ্বৰ প্ৰতিখন ৰাষ্ট্ৰই সংক্ৰমণ ৰোধৰ বাবে একেলগে কাম কৰিব লাগিব৷