ডিজিটেল ডেস্কঃ টুইটাৰৰ অফিচত শোৱাঘৰ সাজিছে এলন মাস্কে। টুইটাৰৰ কৰ্মচাৰীসকলৰ বাবেই এই পদক্ষেপ হাতত লৈছে মাস্কে।
উল্লেখযোগ্য যে টুইটাৰ ক্ৰয়ৰ পাছতে বিভিন্ন ধৰণৰ সিদ্ধান্ত লৈ আহিছে এলন মাস্কে। কেতিয়াবা যদি কৰ্মচাৰী সংকোচন, আন কেতিয়াবা দৈনিক কামৰ সময় বঢ়োওৱা- এইসমূহক লৈ বিতৰ্কও সূচনা হৈ আহিছে।
এইবাৰ তাৰ স’তে যুক্ত হ’ল বিছনা! সোমবাৰে টুইটাৰৰ চান ফ্ৰান্সিচক’স্থিত অফিচত কৰ্মীসকলে দেখে যে অফিচলৈ বহুতো শোৱাকোঠাৰ সামগ্ৰী অনা হৈছে। অনা হৈছে গাৰু, বিচনা চাদৰ, পৰ্দা। তাৰপাছতে তেওঁলোকে বুজিব পাৰে যে অফিচত তেওঁলোকৰ বাবে বিচনাও সাজু কৰা হ’ব।
উল্লেখ্য যে কিছুদিন পূৰ্বে এগৰাকী টুইটাৰ কৰ্মীয়ে জনাইছিল যে অফিচত কামৰ চাপ বাঢ়িছে। ফলস্বৰূপে ঘৰলৈ ঘূৰাৰ সময়ৰ অভাৱ হৈছে। সেইবাবে অফিচতে শুবলৈ এটা শ্লিপিং বেগ তেওঁ লৈ আহিছে। অফিচৰ মেজতে সেই বেগটো পাৰি শুব লগা হৈছে।
এতিয়া যাতে অফিচত কৰ্মীসকলক আৰু অধিক ৰাখিব পাৰি, সেই লক্ষ্য লৈয়ে এই শোৱাঘৰ সজাৰ উদ্যোগ কৰা হৈছে বুলি ভাবিছে কৰ্মীসকলে।
