এইছ আই ভি নিয়ন্ত্ৰণ অভিযান: অসমৰ প্ৰথম সুৰক্ষিত জিলা হিচাপে স্বীকৃতি ডিব্ৰুগড়ৰ

ৰাজ্যৰ স্বাস্থ্য খণ্ডৰ বাবে এক উল্লেখযোগ্য সাফল্য কঢ়িয়াই আনি এইছ আই ভি নিয়ন্ত্ৰণ কাৰ্যসূচীৰ অধীনত অসমৰ প্ৰথমখন সুৰক্ষিত জিলাৰ মৰ্যাদা লাভ কৰিছে ডিব্ৰুগড়খনে। এই স্বীকৃতিয়ে জিলাখনত জনস্বাস্থ্য সজাগতা আৰু প্ৰতিৰোধমূলক ব্যৱস্থাসমূহক অধিক শক্তিশালী কৰি তুলিব বুলি আশা কৰা হৈছে।

প্রশাসনৰ তৰফৰ পৰা জনোৱা হৈছে যে এই সাফল্য লাভৰ সুবাদত জিলাখনত স্বাস্থ্য সেৱাৰ পৰিসৰ বৃদ্ধি পোৱাৰ লগতে লক্ষ্যভিত্তিক অভিযানসমূহ ত্বৰান্বিত হ'ব। ৰোগ প্ৰতিৰোধ আৰু সজাগতা বৃদ্ধিত স্থানীয় স্বাস্থ্যকৰ্মী আৰু প্ৰশাসনিক বিভাগৰ যুটীয়া প্ৰচেষ্টাই গুৰুত্বপূৰ্ণ ভূমিকা পালন কৰিছে।

এই মৰ্যাদা অক্ষুণ্ণ ৰাখিবলৈ ভৱিষ্যতেও স্বাস্থ্যকৰ্মী, প্ৰশাসন আৰু বিভিন্ন সামাজিক অনুষ্ঠান-প্ৰতিষ্ঠানৰ সহযোগিতা অব্যাহত থাকিব বুলি সংশ্লিষ্ট পক্ষসমূহে প্ৰকাশ কৰিছে। এইখনে ৰাজ্যৰ বাকী জিলাসমূহৰ বাবেও এক ইতিবাচক আৰ্হি ডাঙি ধৰিব বুলি আশা কৰা হৈছে।