ডিজিটেল ডেস্ক: আপুনি কাণৰ বিষত ভুগিছে নেকি? এই বিষে কেতিয়াবা আপোনাৰ কৰি তুলিব পাৰে কাণেৰে নুশুনা৷ এনে এক উদ্ভুদ ঘটনাৰ সাক্ষী হৈছে সমগ্ৰ চীন দেশ৷ জানিব পৰা মতে, দক্ষিণ চীনত এজন যুৱকে তেওঁৰ কাণৰ বিষত ভুগী থকাৰ বাবে এজন চিকিৎসকৰ ওচৰলৈ গৈছিল৷ আৰু চিকিৎসকজনে তেওঁৰ কাণৰ ভিতৰত এটা পোক বিচাৰি কৰাৰ পাছত হতবাক হৈ পৰিছিল। আপুনি ঠিকেই শুনিছে, এটা পইতাচোৰা তেওঁৰ কাণৰ নলীত প্ৰৱেশ কৰিছিল। হংকঙৰ ওচৰৰ দক্ষিণ চীনৰ গুয়াংডং প্ৰদেশত অৱস্থিত হুইঝৌ চহৰত এই ঘটনা সংঘটিত হৈছিল। চিকিৎসকজনৰ মতে, নিশা গৰম আৰু শুকান ঠাইৰ সন্ধানত পইতাচোৰাটো ৰোগীৰ কাণৰ ভিতৰলৈ প্ৰৱেশ কৰে। কাণত পইতাচোৰা সোমাই যোৱাটো এজন ব্যক্তিৰ বাবে সঁচাকৈয়ে বিপদজনক হ’ব পাৰে; কিয়নো এটা পইতাচোৰাই বাবে কাণৰ পৰ্দা ফাটি যোৱাৰ সম্ভৱনা থাকিব পাৰে।
ফু জিয়া নামৰ চিকিৎসকজনে ৰোগীজনৰ কাণত এণ্ডোস্কোপ ব্যৱহাৰ কৰি পইতাচোৰাটো থকাৰ উমান লাভ কৰিছিল৷ চিকিৎসকে সাৱধানতাৰে মানুহজনৰ কাণ পৰীক্ষা কৰিবলৈ আগবাঢ়িছিল কিয়নো পইতাচোৰাটোৱে তেওঁৰ কাণৰ পৰ্দাৰ গুৰুতৰ ক্ষতিসাধন কৰিব পাৰে।
চিকিৎসকে পইতাচোৰাটো ধৰিবলৈ চেষ্টা কৰিছিল, কিন্তু পইতাচোৰাটো লৰচৰ কৰি আছিল, সেয়েহে চিকিৎসকে ইয়াক এনাস্থেটাইজ কৰাৰ সিদ্ধান্ত লৈছিল, যাৰফলত পইতাচোৰাটো কাণৰ পৰা আতঁৰ কৰাত সহায়ক হ’ব পাৰে। খবৰ অনুসৰি, ফু জিয়াই ৰোগীজনৰ কাণৰ পৰা পইতাচোৰাটো আঁতৰ কৰাৰ পাছত চিকিৎসালয়ৰ পৰা মুকলি কৰি দিছিল।
