ডিজিটেল ডেস্কঃ দেশৰ অৰ্থনৈতিক ৰাজধানী মুম্বাইৰ পৰা আহি পৰিছে এক আচৰিত খবৰ। মুম্বাইৰ এগৰাকী ২৬ বছৰীয়া ছোৱালীয়ে Reddit পোষ্টত গৈ শ্বেয়াৰ কৰিছে যে কেনেকৈ পিতৃ-মাতৃয়ে তেওঁক এটা মাটিৰ পাত্ৰৰ সৈতে বিয়া বহিবলৈ বাধ্য কৰাইছে। তেওঁক মাক-দেউতাকে এই কাম কৰিবলৈ বাধ্য কৰিছে যাতে মহিলাগৰাকীৰ ভৱিষ্যতৰ স্বামীৰ মৃত্যু নহয় আৰু তেওঁলোকৰ বিবাহ শান্তিপূৰ্ণ হৈ থাকে।মহিলাগৰাকীৰ পোষ্টটো অতি কম সময়ৰ ভিতৰতে ভাইৰেল হৈ পৰাত বিভিন্ন ধৰণৰ প্ৰতিক্ৰিয়া আহি পৰিছে।
নিজৰ কাহিনী আৰু অধিক বৰ্ণনা কৰি মহিলাগৰাকীয়ে ছ’চিয়েল মিডিয়াত লিখিছে-“মই মুম্বাইত বাস কৰা এগৰাকী ২৬ বছৰীয়া মহিলা। মোৰ মা-দেউতাই মোক মাটিৰ পাত্ৰক বিয়া কৰাবলৈ কৈছে। যাতে মোৰ ভৱিষ্যত স্বামীৰ মৃত্যু নহয় বা বিবাহৰ অন্ত নপৰে। মই এজন নাস্তিক আৰু এই ধাৰণাটোৰো তীব্ৰ বিৰোধিতা কৰোঁ। মই জানো যে তেওঁলোকে মোক এই কামটো কৰিবলৈ বাধ্য কৰিব নোৱাৰে আৰু শাৰীৰিকভাৱেও জোৰ-জবৰদস্তিও নকৰে। কিন্তু এইটো একেবাৰে অৰ্থহীন আৰু ঘৰত প্ৰতিদিনে এই বিষয়ে আলোচনা কৰাটো মানসিকভাৱে চাপযুক্ত।”
আৰু ছ’চিয়েল মিডিয়াত তেওঁ লিখিছে, ‘মই মোৰ কথাত অটল হৈ থাকিবলৈ সিদ্ধান্ত লৈছোঁ।কিন্তু এই পৰিস্থিতি কেনেকৈ সহজ কৰি তুলিব পাৰি সেই বিষয়ে তেওঁ মানুহৰ পৰা পৰামৰ্শ বা সহায় বিচাৰিছোঁ। মাক-দেউতাকৰ কথা উল্লেখ কৰিবলৈ গৈ তেওঁ ক’লে, ‘মোৰ মা বি.কম স্নাতক আৰু দেউতা এজন অভিযন্তা।’ এই ঘটনাক লৈ এতিয়া সামাজিক মাধ্যমত তীব্ৰ চৰ্চা চলিছে৷
Continue Reading
