ডিজিটেল ডেস্কঃ বিশ্বকাপৰ ফাইনেললৈ মাজত আৰু এটা দিন বাকী। দেওবাৰে নৰেন্দ্ৰ মোদী ষ্টেডিয়ামত অনুষ্ঠিত হয় খেলখনৰ অভ্যাস। দেওবাৰে আকাশত অনুষ্ঠান পৰিৱেশন কৰিব ভাৰতীয় বায়ুসেনাৰ বিশেষ দল ‘সূৰ্যকৰণ’-এ।ইতিমধ্যে ভাৰতীয় বায়ুসেনাই আখৰা কৰি আছে। এই ভিডিঅ’টো পোষ্ট কৰিছে বিশ্ব ক্ৰিকেটৰ শীৰ্ষ সংস্থা আইচিচিয়ে।
দেওবাৰে আহমেদাবাদৰ নৰেন্দ্ৰ মোদী ষ্টেডিয়ামত ভাৰত আৰু অষ্ট্ৰেলিয়াৰ মুখামুখি হ’ব। সেই মেচৰ আগতে সূৰ্যকিৰণৰ প্ৰদৰ্শনী হ’ব। ১০ মিনিটৰ বাবে এই অনুষ্ঠান হ’ব। শুকুৰবাৰে অনুষ্ঠিত হয় এই এয়াৰ শ্ব’ৰ এক আখৰা।পুনৰ শনিবাৰে হ’ব আন এক আখৰা। দেওবাৰে প্ৰদৰ্শন কৰা হ’ব ৯খন বিমান। সূৰ্যকিৰণ দলে সমগ্ৰ দেশতে এনে প্ৰদৰ্শনী অনুষ্ঠিত কৰে। এই গোটটো আকাশত বিভিন্ন আকৃতি সৃষ্টি কৰাত পাকৈত। দেওবাৰে এই দলটোৱে কি আকৃতিত সজ্জা গঠন কৰিব সেই সম্পৰ্কে সকলোৱে আগ্ৰহ প্ৰকাশ কৰিছে।
উল্লেখ্য যে নিউজিলেণ্ডক পৰাস্ত কৰি ফাইনেলত প্ৰৱেশ কৰে ভাৰতে। বৃহস্পতিবাৰে দক্ষিণ আফ্ৰিকাৰ বিৰুদ্ধে অষ্ট্ৰেলিয়াই জয়লাভ কৰে। ২০০৩ চনৰ পিছত ভাৰত আৰু অষ্ট্ৰেলিয়াই পুনৰ বিশ্বকাপৰ ফাইনেল মুখামুখি হ’ব।
Continue Reading
