ডিজিটেল ডেস্কঃ ছত্তীশগড়ত দ্বিতীয় পৰ্যায়ৰ বিধানসভা নিৰ্বাচনৰ ভোটদান শুক্ৰবাৰে অনুষ্ঠিত হয়। ভোটদান শেষ হোৱাৰ পিছত গাৰিয়াবন্দ জিলাৰ বাডে গোবৰা গাঁৱত হোৱা আইইডি বিস্ফোৰণত এজন আইটিবিপি জোৱান নিহত হোৱাৰ খবৰ পোৱা গৈছে। বিস্ফোৰণৰ আঁৰত নক্সালৰ বিদ্ৰোহীৰ হাত থকা বুলি সন্দেহ কৰা হৈছে।
মৃত জোৱানজনক যোগিন্দৰ সিং বুলি চিনাক্ত কৰা হৈছে। তেওঁ হেড কনিষ্টবল আছিল। বিস্ফোৰণৰ খবৰ পোৱাৰ পিছতে উদ্ধাৰকাৰী দলে ঘটনাস্থলীত গৈ উপস্থিত হয়।সন্দেহ কৰা অনুসৰি বোমাটো পথৰ মাজত পুতি ৰখা হৈছিল।
উল্লেখ্য ৯০ জনীয়া ছত্তীশগড় বিধানসভা নিৰ্বাচনৰ প্ৰথম পৰ্যায়ৰ ভোটগ্ৰহণ ৭ নৱেম্বৰত অনুষ্ঠিত হৈছিল। আজি দ্বিতীয় পৰ্যায়ৰ ভোটগ্ৰহণ আছিল। আজি ৭০ খন আসনৰ বাবে ভোটগ্ৰহণ অনুষ্ঠিত হয় । নিৰ্বাচনৰ ফলাফল ৩ ডিচেম্বৰত ঘোষণা কৰা হ'ব।
Continue Reading
