ডিজিটেল ডেস্কঃ উত্তৰ প্ৰদেশৰ কৃষকৰ বেংক একাউণ্টত ৯,৯০০ কোটি টকা! একাউণ্টত হাজাৰ হাজাৰ কোটি টকা দেখি কৃষকজনে নিজৰ চকুকেইটা বিশ্বাস কৰিব নোৱাৰিলে। লগে লগে তেওঁ বেংক কৰ্তৃপক্ষৰ সৈতে যোগাযোগ কৰে। তেতিয়াই ‘বিত্তীয় ৰহস্য’ পোহৰলৈ আহিল।
কৃষকজনৰ নাম উত্তৰ প্ৰদেশৰ বাদোহী জিলাৰ ভানু প্ৰকাশ। কিছুদিন আগতে বেংক একাউণ্টত কিমান টকা জমা হৈছে তাক চাই আছিল। তেতিয়া তেওঁ থতমত খালে। তেওঁ দেখিছে যে ৯৯,৯৯,৯৪,৯৫,৯৯৯ টকা অৰ্থাৎ ৯৯ বিলিয়নতকৈ অধিক টকা তেওঁৰ একাউণ্টত সোমাইছে। ইয়াৰ পিছত তেওঁ ভয় খাই বেংকৰ লগত যোগাযোগ কৰিলে।
বিষয়টো চোৱাচিতা কৰাৰ পাছত বেংকটোৱে কয় যে ভানু প্ৰকাশৰ একাউণ্টটো কিষাণ ক্ৰেডিট কাৰ্ড (কেচিচি)ৰ ঋণৰ একাউণ্ট আৰু চফটৱেৰ গ্লিচৰ বাবে তেওঁৰ একাউণ্টত টকাখিনি দেখা গৈছিল। আচলতে সেই টকাখিনি তেওঁৰ একাউণ্টত নাই।
বেংকটোৰ মেনেজাৰ ৰোহিত গৌতমে সমগ্ৰ ঘটনা সন্দৰ্ভত কয়, "এটা চফটৱেৰ ভুলৰ বাবেই এনে হৈছে।" ভুল শুধৰণিৰ বাবে তাৎক্ষণিক ব্যৱস্থা গ্ৰহণ কৰা হয়। বৰ্তমান একাউণ্টটো নিৰীক্ষণ কৰা হৈছে।''
Continue Reading
