ডিজিটেল ডেস্ক: সংকটকালত অসমৰ কাষত থিয় হৈছে ভাৰতৰ প্ৰখ্যাত চিনেমা পৰিচালক ৰোহিত চেট্টী আৰু অভিনেতা অৰ্জুন কাপুৰ৷ অসমৰ বান পৰিস্থিতিৰ প্ৰতি লক্ষ্য ৰাখি এইদুগৰাকী বলীউড তাৰকাই অসমক প্ৰদান কৰি অৰ্থসাহায্য৷
শেহতীয়াকৈ অসমৰ মুখ্যমন্ত্ৰী ড° হিমন্ত বিশ্ব শৰ্মাই বান সাহায্যৰ অৱদানৰ বাবে অৰ্জুন কাপুৰ আৰু ৰোহিত চেট্টীলৈ কৃতজ্ঞতা জ্ঞাপন কৰিছে। সংকটৰ সময়ত আগবঢ়োৱা সহায়ৰ বাবে দুয়োকে ধন্যবাদ জনাই অসমৰ মুখ্যমন্ত্ৰী মহন্ত বিশ্ব শৰ্মাই কালি টুইট কৰিছে৷
অসমবাসীৰ হৈ অৰ্জুন কাপুৰ আৰু পৰিচালক ৰোহিত চেট্টীক বানপীড়িত লোকসকলৰ বাবে মুখ্যমন্ত্ৰী সাহায্য পুঁজিলৈ ৫ লাখ টকাৰ বৰঙণি আগবঢ়োৱাৰ বাবে ধন্যবাদ জ্ঞাপন কৰে। মুখ্যমন্ত্ৰী শৰ্মাই দুয়োকে তেওঁলোকৰ উদাৰতাৰ বাবে ধন্যবাদ জ্ঞাপন কৰে।
এএনআইৰ মতে, চৌবিশ ঘণ্টাত অসমত প্ৰচণ্ড বানৰ ফলত প্ৰায় চাৰিজন লোকে প্ৰাণ হেৰুৱাইছে। বানে ৰাজ্যখনৰ ২৫খন জিলাৰ প্ৰায় ১১.০৯ লাখ লোকক প্ৰভাৱিত কৰিছে। ৰাজ্য চৰকাৰৰ তথ্য অনুসৰি, ৭২টা ৰাজহ চক্ৰৰ অধীনৰ ১৫১০খন গাঁও ১৯৭৮২.৮০ হেক্টৰ শস্যভূমিৰ সৈতে পানীত ডুবি আছে।
ৰাজ্যখনৰ বিভিন্ন জিলাত বান পানী আৰু ভূমিস্খলনৰ পিছত, ভাৰতীয় বতৰ বিজ্ঞান বিভাগে ১৮ জুনলৈকে কেইবাখনো জিলাত ধাৰাসাৰ বৰষুণৰ ভৱিষ্যদ্বাণী কৰিছে।
Continue Reading
