এখন দেশ, দুটা নামঃ ক’ৰ পৰা আহিল ভাৰত আৰু ইণ্ডিয়াৰ নাম দুটা?

  ফৰাচীসকলৰ প্ৰভাৱত শব্দটো য়েণ্ডে বা ইণ্ডে হৈ পৰে, যি ইণ্ডি হিচাপে প্ৰাৰম্ভিকভাবে  আধুনিক ইংৰাজী ভাষাত প্ৰৱেশ কৰে৷। সপ্তদশ শতিকাৰ পৰা ইণ্ডিয়া নামটো ব্যৱহাৰ হৈ আহিছে।আনহাতে ভাৰত  নামটো বিভিন্ন প্ৰাচীন সংস্কৃত পুৰাণৰ পৰা আহিছে। ভাৰত  নামটো বায়ু পুৰাণত পোৱা যায়। ভাৰত মূলতঃ 'অগ্নি' দেৱতাৰ এটা নাম। ঋগ্বেদত এই এলেকাৰ অধিবাসীসকলক ,  ভাৰতীয় বুলি কোৱা হৈছে। মহাভাৰতত ভৰতৰ ৰাজ্যক ভাৰতবৰ্ষ বুলি কোৱা হৈছে। ভগৱৎ পুৰাণত ভাৰত শব্দটো জাতা ভাৰতৰ নামৰ পৰা আহিছে বুলি কোৱা হয়। ইংৰাজীত ইণ্ডিয়া  শব্দটো সিন্ধু নদীৰ মূল পাৰ্চী নাম হিন্দুৰ পৰা উদ্ভৱ হৈছে বুলি জনা যায়। প্ৰাচীন গ্ৰীকসকলে ভাৰতীয়সকলক ইন্দোই বা 'ইন্দাছ'  নদী অৱবাহিকাৰ বুলি কৈছিল। 'ইণ্ডিয়া' নামটো 'ইন্দাছ' নামৰ পৰা উদ্ভৱ হৈছে বুলি ধাৰণা কৰা হয়৷ ।

ইন্দাছ /সিন্ধু  নদীৰ অৱবাহিকাত বাস কৰা সকলক হিন্দু বুলি কোৱা হৈছিল। ভাৰত নামটো হিন্দু পৌৰাণিক ৰজা ভৰতৰ নামৰ পৰা উদ্ভৱ হৈছে। কোৱা হয় যে এই অঞ্চল  ৰজা ভৰতক দিয়া হৈছিল, সেয়েহে ইয়াক ভাৰতবৰ্ষ বুলি কোৱা হয়। 

ঐতিহাসিকভাৱে গুৰুত্বপূৰ্ণ - "ইণ্ডিয়া" আৰু "ভাৰত" দুয়োটা শব্দই  ভাৰতৰ সংবিধানৰ প্ৰথম অনুচ্ছেদত (অনুচ্ছেদ ১) মানি লোৱা হৈছে আৰু কোৱা হৈছে যে "ইণ্ডিয়া , অৰ্থাৎ ভাৰত, ৰাজ্যসমূহৰ এক সংঘ হ'ব", সেয়েহে "ইণ্ডিয়া" আৰু "ভাৰত"ক গণৰাজ্যৰ চৰকাৰী সংক্ষিপ্তৰূপ হিচাপে সমানে স্বীকৃতি দিয়া হৈছে।