ডিজিটেল ডেস্কঃ একোটা যৌথ হিন্দু পৰিয়ালত নাৰীও মুৰব্বী হ’ব পাৰে। কেৱল পুৰুষক পৰিয়ালৰ মুৰব্বী হিচাপে স্বীকৃতি দিয়া উচিত বুলি কোনো যুক্তি নাই। এটা গোচৰৰ শুনানিৰ সময়ত এই কথা কয় দিল্লী উচ্চ ন্যায়ালয়ে।
উচ্চ ন্যায়ালয়ৰ ন্যায়াধীশ সুৰেশ কুমাৰ কাইত আৰু ন্যায়াধীশ নীনা বংশাল কৃষ্ণৰ বিচাৰপীঠে কয় যে, সমাজে কি ভাবে, সমাজৰ দৃষ্টিভংগী কি, সেয়া আইনে গুৰুত্ব নিদিয়ে। হিন্দু আইনতো নাৰীক পৰিয়ালৰ মুৰব্বী হিচাপে স্বীকৃতি দিয়াৰ কোনো বাধা নাই।
২০১৬ চনত দিল্লী উচ্চ ন্যায়ালয়ৰ একক বিচাৰপীঠে পৰিয়ালত মহিলা আৰু পুৰুষৰ গুৰুত্ব সন্দৰ্ভত এক গুৰুত্বপূৰ্ণ ৰায়দান কৰিছিল। উত্তৰাধিকাৰৰ বিষয়ত মহিলা আৰু পুৰুষৰ সমান গুৰুত্ব আছে বুলি জনোৱা হৈছিল। ডিভিজন বেঞ্চেও সেই ৰায়ক সমৰ্থন কৰিছে। এই প্ৰসংগত উচ্চ ন্যায়ালয়ে আমেৰিকাৰ উচ্চতম ন্যায়ালয়ৰ প্ৰাক্তন ন্যায়াধীশগৰাকীৰ মন্তব্যও উল্লেখ কৰে।
ন্যায়াধীশসকলে হিন্দু উত্তৰাধিকাৰ আইন ২০০৫ৰ নীতিৰ উল্লেখ কৰি মহিলাগৰাকীয়েই পৰিয়ালৰ মুৰব্বী বুলি ব্যাখ্যা কৰে। যিগৰাকী মহিলাৰ গোচৰত আদালতে এই পৰ্যবেক্ষণ কৰিছিল, তেওঁৰ নাম সুজাতা। ককায়েকহঁতে তেওঁক পৰিয়ালৰ মুৰব্বী কৰাত আপত্তি কৰিছিল। আদালতে তেওঁলোকৰ আপত্তি নাকচ কৰে। সংমণ্ডল বিচাৰপীঠেও মহিলাগৰাকীৰ স্বামীক পৰিয়ালৰ মুৰব্বী হিচাপে ঘোষণা কৰিবলৈ অস্বীকাৰ কৰে।
Continue Reading
