ডিজিটেল ডেস্ক: বহুলচৰ্চিত ছবি ‘এনিমেল’ক চৰ্চা চলিল সদনত৷ ৰাজ্যসভাত ছবিখনৰ প্ৰসংগ উত্থাপন কৰিলে কংগ্ৰেছৰ সাংসদ ৰঞ্জিত ৰঞ্জনে।
হিংসা আৰু নাৰীবিদ্বেষী কাহিনীক ছবিখনে নায্যতা দিয়া বুলি মন্তব্য কংগ্ৰেছ সাংসদগৰাকীৰ। ছবিখনে যুৱ প্ৰজন্মৰ মাজত বিৰূপ প্ৰভাৱ পেলোৱাৰ আশংকা কৰে ৰঞ্জিত ৰঞ্জনে। ইয়াৰ লগতে ছবিখনৰ অৰ্জন ভেইলি গীতটোক লৈও আপত্তি দৰ্শায় কংগ্ৰেছ সাংসদগৰাকীয়ে। গীতটোৰ আপত্তিজনক কথাই নতুন প্ৰজন্মক বিপথে পৰিচালিত কৰিব বুলি ৰাজ্যসভাত মন্তব্য কৰে কংগ্ৰেছ সাংসদগৰাকীয়ে৷
উল্লেখ্য যে সদ্যসমাপ্ত নিৰ্বাচনত গীতটোৰ কথাংশ ব্যৱহাৰ কৰিছিল বিজেপিয়ে। সম্প্ৰতি দেশৰ ছবিগৃহত সফলতাৰে চলি আছে এনিমেল নামৰ ছবিখন। সন্দীপ ৰেড্ডী ভাংগাৰ দ্বাৰা পৰিচালিত ছবিখনত দেখুওৱা হৈছে পিতা-পুত্ৰৰ দণ্ডৰ কাহিনীক। ছবিখনৰ মূল চৰিত্ৰত অভিনয় কৰিছে জনপ্ৰিয় অভিনেতা ৰণবীৰ কাপুৰে। ৰণবীৰৰ লগতে ছবিখনত গুৰুত্বপূৰ্ণ চৰিত্ৰ ৰূপায়ণ কৰিছে ববী দেওল, দক্ষিণৰ জনপ্ৰিয় অভিনেত্ৰী ৰস্মিকা মন্ধানাই।
বক্স অফিচত সফলতা অৰ্জন কৰাৰ বিপৰীতে একাংশ চলচ্চিত্ৰপ্ৰেমীৰ দ্বাৰা সমালোচিতও হৈছে ছবিখন। ইতিমধ্যে ছবিখনে ৬০০ কোটিৰো অধিক ধন উপাৰ্জনৰে দেশে বিদেশে সমাদৰ বুটলিবলৈ সক্ষম হৈছে।
Continue Reading
