ৰে'লৰ খুন্দাত ময়ূৰৰ মৃত্যু!৪০ মিনিট ৰে'ল ৰখাই ৰাজ্যিক সন্মানেৰে ৰাষ্ট্ৰীয় পক্ষীক অন্তিম বিদায়

ডিজিটেল ডেস্কঃ এখন মালবাহী ৰে'লৰ খুন্দাত ৰাষ্ট্ৰীয় চৰাই ময়ূৰৰ মৃত্যু হয়। যেতিয়া ৰোহতক ৰেল ষ্টেচনত ঘটনাটোৰ খবৰ পোৱা গৈছিল ৰাজ্যিক সন্মানেৰে ময়ূৰটোৰ অন্তিম বিদায়ৰ বাবে প্ৰস্তুতি কৰা হৈছিল। অৱশ্যে এই অন্তিম বিদায়ৰ বাবে মালবাহী ৰে'লখন ষ্টেচনত ৪০ মিনিটৰ বাবে ৰৈছিল। ৰাষ্ট্ৰীয় চৰাই ময়ূৰক ত্ৰিৰংগা পতাকাত মেৰিয়াই অন্তিম বিদায় দিয়া হৈছিল। প্ৰাপ্ত তথ্য অনুসৰি মালবাহী ৰে'লখন দিল্লী অভিমুখে গৈ আছিল। হঠাতে ৰে'ল ষ্টেচনৰ ওচৰত মালবাহী ৰে'লখনৰ সন্মুখত এটা ময়ূৰ আহিল। মালবাহী ৰে'লখনৰ খুন্দাত ময়ূৰটোৰ মৃত্যু ঘটে। ৰাষ্ট্ৰীয় চৰাই হোৱা বাবে ময়ূৰটোক অন্তিম বিদায় জনোৱাৰ বাবে সকলো প্ৰস্তুতি কৰা হৈছিল। ৰে'লখনৰ চালক, ষ্টেচন মাষ্টাৰ আৰু জিআৰপি আৰক্ষী ঘটনাস্থলীত উপস্থিত হৈছিল আৰু ময়ূৰটোক যথাযথ সন্মানৰ সৈতে ষ্ট্ৰেচ্ছাৰত ৰাখিছিল। সকলো প্ৰস্তুতি সম্পূৰ্ণ হোৱাৰ পাছত ময়ূৰটোক ৰাষ্ট্ৰীয় পতাকাৰে মেৰিয়াই দিয়া হৈছিল আৰু ৰাজ্যিক সন্মানেৰে অন্তিম বিদায় দিয়া হৈছিল। উল্লেখ্য যে ৰাষ্ট্ৰীয় পক্ষী হোৱাৰ বাবে ময়ূৰৰ অন্তিম বিদায়ত ৰাজ্যিক মৰ্যাদা প্ৰদান কৰা হয়। আৰু পঢ়কঃ মোৰ অশ্লীল ভিডিঅ’ ভাইৰেল কৰি দিলে! নিজ স্বামী আৰু পুত্ৰৰ বিৰুদ্ধে গোচৰ তৰিলে মহিলাই