ডিজিটেল ডেস্ক: পাকিস্তানৰ প্ৰাক্তন প্ৰধানমন্ত্ৰী ইমৰান খান গুলীবিদ্ধ হৈছে৷ যদিও প্ৰাক্তন প্ৰধানমন্ত্ৰীগৰাকী গুলীবিদ্ধ হৈছে, তথাপি বৰ্তমান তেওঁ সংকটমুক্ত৷ এটা ৰেলীত অংশ লোৱাৰ পাছত গুলীচালনাৰ পাছত আহত হৈছিল ইমৰাণ খান৷
অচিনাক্ত আক্ৰমণকাৰীয়ে আজি ৱাজিৰাবাদত পাকিস্তানৰ প্ৰাক্তন প্ৰধানমন্ত্ৰী ইমৰান খানক কঢ়িয়াই নিয়া কন্টেইনাৰ-মাউণ্টেড-ট্ৰাকত গুলীচালনা কৰে। খবৰ অনুসৰি ইমৰান খান সামান্য আঘাতপ্ৰাপ্ত হৈছে। ইমৰান খানে ইছলামাবাদত চৰকাৰ বিৰোধী প্ৰতিবাদী সমদলৰ নেতৃত্ব দি আছে। পিটিআইৰ ফাৰুক হাবিবে টুইটাৰত কয়, ইমৰাণ খান আঘাতপ্ৰাপ্ত হৈছে, আল্লাই তেওঁক সুৰক্ষা দিয়ক, সমগ্ৰ ৰাষ্ট্ৰই ইমৰান খানৰ জীৱনৰ বাবে প্ৰাৰ্থনা কৰা উচিত।
আন এজন পিটিআই নেতা আজহাৰ মাশ্বৱানীয়ে কৈছে যে ইতিমধ্যে অপৰাধীজনক গ্ৰেপ্তাৰ কৰা হৈছে। ইমৰান খান চাহাব সুৰক্ষিত। গ্ৰাউণ্ড দলৰ মতে অপৰাধীক গ্ৰেপ্তাৰ কৰা হৈছে।
ঘটনাটো আল্লাহু চক ৱাজিৰাবাদৰ ওচৰত সংঘটিত হৈছিল বুলি মাশ্বানীয়ে টুইটাৰত উল্লেখ কৰিছে৷
Continue Reading
