ডিজিটেল ডেস্কঃ পুত্ৰৰ সৈতে টুইটাৰত আৱেগিক প’ষ্ট কৰিছে ধনকুবেৰ এলন মাস্কে। দুবছৰমান আগতে তেওঁ পুত্ৰসন্তানৰ পিতৃ হৈছিল। তেতিয়াৰ পৰাই তেওঁ পুত্ৰৰ সৈতে বিভিন্ন মৰমৰ মুহূৰ্তৰ ছবি শ্বেয়াৰ কৰি আহিছে।
শনিবাৰে সপ্তাহান্তিকৰ সময়তো মাস্কে শ্বেয়াৰ কৰিছে পিতৃ-পুত্ৰই অকলে সময় কটোৱা এনে এক মুহূৰ্তৰ ছবি। এখন ফটোত দেখা গৈছে পুত্ৰক কোলাত লৈ এলনে কিবা কৈ আছে। আন এখনত পুত্ৰক লৈ আইনাত চেল্ফী তুলিছে। আকৌ আন এখনত এলন মাস্কে মাইক্ৰ’ফোনত কিবা কৈ থাকোতে পুত্ৰই দুষ্টামি কৰিছে। আন এখন ফটোত দুয়ো ক’ৰবালৈ চাই আছে।
ফটোসমূহ শ্বেয়াৰ কৰি এলন মাস্কে লিখিছে 'আৰ্ক এঞ্জেল-১২’। ইয়াৰ পৰা বুজা যায় যে বৰ্তমান পুত্ৰসন্তানৰ স’তে ধনকুবেৰজন বৰ্তমান সুখৰ জীৱন অতিবাহিত কৰিছে।
জন্মৰ পৰাই চৰ্চাত আছে এলন মাস্কৰ পুত্ৰ। কেৱল ধনকুবৰৰ পুত্ৰ হোৱাৰ বাবেই তেওঁৰ চৰ্চা হোৱা নাই। ইলন আৰু তেওঁৰ পত্নী গ্ৰাইমছে দিয়া সন্তানৰ নামটোক লৈ চৰ্চাত আছিল। কাৰণ সেই নামটো উচ্চাৰণ কৰিব নোৱাৰি, আনকি নামটোৰ অৰ্থও নাই।
শেষত এলনে নিজেই নিজৰ পুত্ৰৰ নামৰ ৰহস্য সমাধান কৰিবলগীয়া হৈছিল। তেওঁ কৈছিল যে তেওঁৰ পুত্ৰৰ নাম উচ্চাৰণ হ’ব, ‘এক্স এছ এ টুৱেলভ’। তেওঁ কয় যে তেওঁৰ পুত্ৰৰ নাম তেওঁৰ পত্নী গ্ৰাইমছে বাছি লৈছিল।
Continue Reading
